Almatydaǵy nómiri 139-shy balabaqshasynyń aldyna búgin sábıler emes, polısıa qyzmetkerleri, tipti krımınalıser jınaldy. Mektepke deıingi mekeme basshylary shý shyǵarǵan ata-anadan qashyp, quzyrlylardan kómek surapty. Alaıda, Jazıra Amanbekova eki jastaǵy qyzyn osy balabaqshaǵa 82 myń teńge berip ornalastyrǵanyn aıtady. Meńgerýshisi Baqyt Ospanova aqsha tólegeni úshin túbirtekti keıin berem dep ýáde bergen. Artynsha, mereke saıyn balabaqsha basshylyǵy ata-analardan aqsha jınaýdy ádetke aınaldyrypty. Eki-úsh myńnan suraǵany óz aldyna, Naýryz merekesine baýyrsaq pisirip, qazy men shubat ákelesiz degende tózimim taýsyldy,- deıdi Káýsardyń anasy...
JAZIRA AMANBEKOVA, Káýsardyń anasy:Qazydan bastaldy. Chekten bastaldy. Chek suraǵan saıyn qashady, vospıtatel de qashady, býhgalterdiń túrin kórgen de joqpyz. Bir býtylka konák, korobka shokolad ákep berdik týǵan kúnin jýǵanymyz dep. Qazy ákelýge qaýqarym joq dep kelgen ata-ananyń shýynan keıin eki jasar Káýsardy esh sebepsiz balabaqshaǵa kirgizbeı qoıǵan. Tespeı sorǵan mekeme basshylarynyń ústinen aryz túsirgennen keıin ǵana bilim basqarmasy meńgerýshi Baqyt Ospanovadan túsinik alyp, jumystan shyǵarypty. Káýsardy zańsyz balabaqshaǵa qabyldaǵany úshin...
AǴAISHA SAPAROVA, Almaly aýdandyq bilim basqarmasynyń bas mamany:Tárbıeshini shyǵarý shyǵarmaý balabaqsha meńgerýshisineiń quzyrynda. Al meńgerýshige qarsy bilim basqarmasy jazany qoldandy. Al jumystan shyǵarylmaǵan tárbıeshiler, ózderi tórt aı tárbıelegen balany tanymaımyz dep tanyp shyqty... Aqsha aldy deıdi ǵoı, gde dokazatelstovo, hmmm men tanymaımyn. Qaıdaǵy aqsha????? Jalpy, tutynýshylar quqyǵyn qorǵaý uıymynyń málimetinshe, sábıdi balabaqshaǵa ornalastyrý úshin ortasha eseppen qyzmetkerler 33 myń teńge para alady eken. Mektepke deıingi mekemelerde jóndeý jumystary men oıynshyq alýǵa, tárbıeshilerge syı jasaýǵa jylyna ata-analar bir jarym mıllıard teńge jumsaıtyn kórinedi. Japa shekkenderdiń biri Káýsardyń anasy balasyn sebepsiz shyǵaryp, densaýlyǵy týraly kýáligin bermeı otyrǵan balabaqsha basshylary jazasyz qalmasa eken deıdi...
GÚLBANÝ ÁNIATQYZY, tilshi:Kóńili qalǵan ata-ana balasyn bul balabaqshaǵa berýge qulqy joq. Biraq, mekeme meńgerýshisi men tárbıeshilerdiń ústinen prokýratýra men polısıaǵa aryz túsirdi. Qazyǵa tapsyrys bergen meńgerýshiniń isimen endi qarjy polısıasy aınalysýy múmkin.
Pikir qaldyrý