Sáýirdiń 10-y kúni Qaraǵandy qalasyndaǵy Qazybek bı aýdandyq sotynyń sýdıasy Erkesh Máýken aıyptalýshy Dıas Kýshýgýlovty bes jylǵa sottady. Bul týraly sottan tvıt-translásıa jasaǵan jergilikti "Novostı-Karaganda" saıty habarlady.
26 jastaǵy Dıas Kýshýgýlovqa Qazaqstan qylmystyq kodeksiniń tórt baby boıynsha aıyp taǵylǵan: "terorızm nemese ekstremızmdi nasıhattaý", "áleýmettik, ulttyq jáne dinı alaýyzdyq týdyrý", "zańsyz sýyq qarý ustaý", "qarý jáne oq-dárini alý jáne saqtaý". Sotta onyń "2011 jyly Reseıdiń Kavkaz aımaǵynda áreket etken radıkaldy aǵymnyń ókili bolǵany, Qazaqstanǵa kelgennen keıin aınalasyndaǵy adamdardy qarýly jıhadqa úndegeni" aıtyldy.
Dıas Kýshýgýlov sotta ózine taǵylǵan aıyptardy joqqa shyǵardy. Sot oǵan jazasyn jalpy rejımdegi kolonıada óteýge úkim shyǵardy.
Pikir qaldyrý