"Qyzyǵa jaz, qyza jaz, qyzyqtyra jaz! Oılanyp jaz, oıly jaz, oı sala jaz, oılandyra jaz! Yzamen jaz, kekpen jaz, kektendire jaz!" dep Ǵabıt Músirepov ósıet etkendeı, halqymen jany bir ekenin eshqashan esten shyǵarmaı, táýelsiz halqynyń jetistikterin de, jetistikke jetse de muńy taýsylmaıtyn jurtynyń sherin de saraptaı tyńdap, máseleni baıyppen shesher asyl sózdiń kóshin órleter asyl perzenti bolýǵa umtylǵan jas tilshilerge arnalǵan "Jýrnalıs bolǵyń kele me?" baıqaýynyń sheshýshi kezeńi aıaqtaldy.

Eń úzdik shyǵarmalar, esseler, foto, aýdıo, vıdeomaterıaldar men grafıkalyq týyndylarǵa jarıalanǵan baıqaýdyń qorytyndysy boıynsha eń úzdik jumystardyń jeńimpazdaryn dıplomdarmen marapattaý rásimine Qazaqstan Jazýshylar Odaǵynyń múshesi, belgili satırık, respýblıkalyq "Annur sapa" baspasynyń bas redaktory, "Altyn qalam" syılyǵynyń laýreaty Ermahan Shaıhyuly, Respýblıkalyq "Jas Órken" Jeke sharýashylyǵy seriktestigi Bas redaktorynyń orynbasary, jýrnalıs Juldyz Ábdilda, mektep oqýshylary men ustazdar qaýymyna arnalǵan "Martebe.kz" ınternet portalynyń Bas redaktory Berikbol Tólegen qatysty.

Forýmdy Baspasóz jáne elektrondy BAQ kafedrasynyń meńgerýshisi Sultanbaeva Gúlmıra Serikbaıqyzy kirispe sózben ashyp, baıqaýǵa qatysýshylarǵa sát-sapar tiledi.

Dástúrli XIX "Jas tilshiler" forýmyna belsendi qatysyp, "Jýrnalıs bolǵyń kele me?" "Ǵylymı shyǵarmalar – 2019" baıqaýynyń eń úzdik jumysymen tanylǵan I-dárejeli dıplomdardy Atyraý oblysy, Qyzylqoǵa aýdany, Tasshaǵyl aýylynyń 11- synyp oqýshysy Eńsep Shuǵyla, Túrkistan oblysy, Báıdibek aýdany, Sarybulaq aýlynyń 10 synyp oqýshysy Jumahan Nurlyhan, Almaty oblysy, İle aýdany, Ótegen batyr kentiniń 11-synyp oqýshysy Mambetova Jansaıa, Almaty qalasy, 172 mektep-gımnazıasynyń 11 synyp oqýshysy Kajygýmarova Tolǵanaı, Almaty qalasy, 148 mektep-gımnazıasynyń 11-synyp oqýshysy Ahmetova Aqbota, Imanaly Nazerke t.b. ıelendi.    

Sondaı-aq Iİ-dárejeli dıplomdarmen Qapshaǵaı qalasyndaǵy "Orta mektep-gımnazıasynyń" 10 synyp oqýshysy Naýryzbekova Nazym, Pavlodar oblysy, Baıanaýyl aýdany, Álkeı Marǵulan atyndaǵy mekteptiń 11 synyp oqýshysy Aldanysh Sholpan, Qyzylorda oblysy, Qyzylorda qalasy, Álı Músilimuly atyndaǵy №101 mektep-lıseıdiń 10 «B» synyp oqýshysy Tilesqan Arýjan, Túrkistan oblysy, Báıdibek aýdany, Aqbastaý aýylynyń Sh.Ýálıhanov atyndaǵy jalpy orta mektebiniń 10 synyp oqýshysy Turysbek Aıǵanym, Almaty oblysy, Qaskeleń qalasy, Abaı atyndaǵy orta mektep-gınazıasynyń 10 synyp oqýshysy Sezhan Aısulý marapattaldy.

Forýmǵa qatysýshylar eń úzdik vıdeojobasymen tanylǵan I-dárejeli dıplom ıegeri Túrkistan oblysy, Saryaǵash aýdany, Jańa turmys aýyly, N53 Málik Ǵabdýllın atyndaǵy orta mekteptiń 10 synyp oqýshysy Malıkajdarova Altynaıdyń "Eger men jýrnalıs bolsam!", "Aıalasań, tabıǵatty aıala!" vıdeosújetterin tamashalady. Eń úzdik vıdeojobalarmen tanylǵan İ-dárejeli dıplom ıegerlerin Ál-Farabı atyndaǵy QazUÝ-dyń jýrnalısıka faýltetiniń dosenti, fılologıa ǵylymdarynyń kandıdaty Jıdegúl Ábdijádilqyzy marapattap, sóz sóıledi.

Baıqaýǵa qatysýshy, jeńimpaz oqýshylardyń biri Eńsep Shuǵyla óz shyǵarmasynda: "Jýrnalıs bolǵym keledi... San qıly, qatparly oılarymnyń túıini, meniń albyrt júregimniń qalaýy – osy mamandyq. Ár adamnyń ómirlik ustanymy, alasarmas armany bolady. Armandaýdan kem de emespiz, biraq men eń bastysy jýrnalıs bolamyn degen armanymdy shyndyqqa aınaldyrýdy maqsat tuttym. "Yzaly júrek, doly qol, Ýly sıa, ashshy til", – dep hakim Abaı aıtqandaı, shyndyqty shaǵyp turyp aıtar meniń rýhy berik janym jazýǵa qushtar, al qushtar janym sony qalaıdy", – dep óziniń mamandyqqa degen kirshiksiz arman-maqsatyn jetkizedi.

Al Almaty oblysy, Qarasaı aýdany, Qaskeleń qalasyndaǵy V.G.Belınskıı atyndaǵy orta mekteptiń 11-synyp oqýshysy Seıthanova Saltanat: "Qazirgi tańda el aýzyna ilinip, halyqqa tanymal bolǵan jýrnalıserdi kórgende janym rahattanady. Olardyń jetken tabystaryna qýanamyn. Ataq, dańq almaı-aq, halyq esimin qurmetpen ataıtyn adam bolý qandaı baqyt!

Úlken laýazym ıesi bolmaı-aq, shyryldap júrip izgilikke, jaqsylyqqa jetý jolynda qyzmet etýdiń qýanyshy qandaı!? Sondyqtan da óz qolymmen bireýge baqyt syılap, bireýdi shattandyrýdy násip etse, menen myqty, menen sheshen adam bolmas edi dep esepteımin. "Tilshi bolý – til ónerindegi qasıetti shyńdy, sheshendikti baǵyndyrý», – degen qanatty sózdi ómirlik kredo etip alyp, bar kúsh-jigerimdi osy jolǵa arnaımyn. Aldaǵy syndardan súrindirmes qos qanatym – bilimim men qýat-kúshimdi osy jolǵa baǵyttaımyn", – degen tolǵanystary jas tilshiniń asqaq armandaryn qanattandyra túskendeı boldy.

Shara barysynda elimizdiń barlyq aımaqtarynan kelgen mektep oqýshylary "Ulan", "Drýjnye rebáta" redaksıalarynda qonaqta bolyp, "Qazaqfılm" kınostýdıasyna saıahat jasady.

Mádenı baǵdarlama boıynsha forýmǵa qatysýshylar ál-Farabı atyndaǵy QazUÝ qalashyǵyna pres-týr jasap, "Keremet" stýdentterge qyzmet kórsetý ortalyǵy men "Ál-Farabı kitaphanasymen" tanysty. Sondaı-aq Almaty oblystyq "Jetisý" telearnasynyń bas prodúseri, RTRK "Qazaqstan" telearnasy, "Aıtýǵa ońaı" baǵdarlamasynyń shef-redaktory qyzmetterin atqarǵan bilikti jýrnalıs Nelá Rýshanovamen kezdesti. Qazaq radıosynyń tikeleı efırdegi "Táýlik tynysy" baǵdarlamasynyń júrgizýshisi, "Habar" redaksıasy aqparat qyzmetiniń bas redaktorynyń orynbasary qyzmetterin atqarǵan, qazirgi tańda ýnıversıtettegi "Ál-Farabı" arnasynyń "Kózbe-kóz" telejobasy men "Sózbe-sóz" radıojobasynyń avtory, stýdentterge arnalǵan "Telezerthana.kz" ıýtýbkanalynyń quryltaıshysy, jýrnalısıka salasynyń tanymal dáriskeri Jıdegúl Ábdijádilqyzynyń sheberlik synyptaryna qatysty.

Forým sońynda barlyq marapat ıelerine Ál-Farabı tósbelgisi men ýnıversıtettiń arnaıy syılyqtary tabys etildi. Jýrnalısıka fakúltetiniń 4 kýrs stýdenti Amangeldi Bıbarys pen jas ánshiler Dáýir Saǵyndyqov, Serik Erlandar qazaq ánderinen shashý shashyp, mýzykalyq sálemderin joldady.

Derekkóz: kaznu.kz

Ǵalıa Maıkotova