Almaty oblysynda bir apta buryn joǵalǵan 18 jastaǵy stýdent óli tabylǵan bolatyn.  Oqıǵa ornyn teksergen tártip saqshylary ol óz-ózin óltirdi degen boljam jasap otyr dep habarlaıdy Qamshy.kz aqparat agenttigi KTK telearnasyna silteme jasap. 

Sebebi, asylǵan kúıi tabylǵan boıjetkenniń denesinde birde-bir zorlyq izderi bolmaı shyqqan. Degenmen, qyzdyń aýyldastary polısıamen kelispeıdi. Olardyń aıtýynsha, qalaǵa qatynap oqyp júrgen stýdentke áldebireýler qıanat jasaǵan bolýy múmkin.

Talǵar aýdanyndaǵy ózi turǵan Belbulaq aýylynan Almatyǵa emtıhan tapsyrýǵa shyǵyp ketken qyzdyń denesi bir aptadan soń taýdan tabyldy. Polısıanyń aldyn ala málimetine qaraǵanda, Aıgúl Amangeldi onda ózi baryp asylǵan.  

Dese de, qyzdyń alasa taý baýraıynda qalaı asylyp qalǵanyn tártip saqshylary naqty ashyp aıtpaı otyr. Tipti, qyzdyń taksıge otyrǵany, ne otyrmaǵany da belgisiz. Belgilisi sol, máıiti aýyldan alys emes jerde tabylǵan. Al joǵalatyn kúni Aıgúl saǵat tańǵy 9-da úıinen asyǵyp shyǵyp ketipti. Óıtkeni, Asfendıarov atyndaǵy ulttyq medısına ýnıversıtetiniń 1-kýrs stýdenti sol kúni anatomıadan emtıhan tapsyrýy tıis bolǵan. Alaıda anasynyń batasyn alyp shyqqan qyz oqý ornyna jetpegen.

Polısıa «sýısıd» jasady dep boljaǵan qyz baýyrlaryna únemi bas-kóz bop júripti. Kópbalaly otbasydan shyqqan boıjetken 7 perzenttiń ekinshisi eken. Qalaı degenmen de istiń aq-qarasyn saraptama qorytyndysy ashyp bermek.

Oqı otyryńyz:  
♦ Almaty oblysynda joǵalǵan qyz óli kúıinde tabyldy

♦ Almaty oblysynda óli kúıinde tabylǵan qyzǵa qatysty málimetter paıda boldy