Chehıalyq jýrnalıs Batys elderiniń Reseıdi ne sebepti jek kóretinderin taldap jazdy dep habarlaıdy Qamshy.kz aqparat agenttigi. Bul týraly jýrnalıs Parlamentní Listy baslymynda jazǵan.

Jýrnalıs Iırjı Kobzanyń oıynsha, Batys elderiniń Reseı saıasatyn qup kórmeýiniń basty sebepteriniń biri - Eýropa elderi men AQSH joıyp jiberýge kúsh salyp júrgen dástúrli qundylyqtardyń Reseıde saqtalyp qalýy. Reseı halqy áli kúnge soǵys qurbandaryn eske alýdy, Jeńis kúnin toılaýdy umyt qaldyrǵan emes. Halyq ulttyq dástúrge berik ári jas urpaqty barynsha ulttyq qundylyqtardy baǵalaýǵa baýlıdy. Sonymen qatar, reseılikter geı-paradtar men esirtkini zańdastyrý týraly sherýlerge shyqqan emes.

Jýrnalıs eýropalyq telearnalar men BAQ-tan "Reseıden tónetin qaýip" týraly, Reseıdiń qoǵamdyq sanaǵa keri áser etetini týraly kóptegen maqalalar men úndeýlerdi kóp kezdestiretinin atap ótip, Batys elderiniń Reseıge qaraǵanda áldeqaıda orynsyz saıasat júrgizetinin, tek buǵan eshkimniń basa nazar aýdarmaıtynyn da tilge tıek etti.

Batys elderi shyn máninde Máskeýdiń árdaıym tarıhı sana men otansúıgishtikti qoldaıtyn saıasat júrgizýinen qorqytady. Bul ıdeologıa Eýroodaq pen AQSH úshin qolaısyz.

"Otan, barlyǵy beıbitshilik ári kelisim negizinde taý-tátti ómir súrip jatqan halyqtar federasıasy, Reseıdiń qarapaıym halqy úshin úlken mánge ıe", - dep jazdy jýrnalıs.

Reseıde shet elder arqyly qarjylandyrylatyn, saıası baǵdarlamalarymen "qoǵam arasyna iritki" salatyn baǵdarlamalardyń bolmaýy da eldiń bir jaqty saıasat júrgizýine de yqpal etedi.

"Máskeý Batys elderine kóptegen saıasatkerler qaıtalaýdan jalyqpaıtyn áskerı qýatymen emes, saýatty júrgiziletin ulttyq ıdeologıasymen, tarıhı sanaǵa qatań bekingen saıasatymen qorqynysh týǵyzady. Sol sebepti de, Batys elderinde antıreseılik saıasat júrgiziledi, shetsiz-sheksiz sanksıalar salynady. Bul úderiske qarsy shyǵyp, basqasha pikir bildirgen adamnyń  avtomatty túrde "Kreml tyńshysyna" aınalyp ketetinderiniń basty sebebi de osyda jatyr", - dep atap kórsetedi Kobza.

Daıyndaǵan: Dáýren Sybanbaı