Saıram aýdandyq soty Qylmystyq kodekstiń 99-baby "Qasaqana kisi óltirý" boıynsha aıyptalǵan 1959 jylǵy ózbek azamatyna qatysty sheshim shyǵardy dep jazady Qamshy.kz aqparat agenttigi sputniknews.kz saıtynyń deregin negizge alyp. Kúdiktini marqumnyń týystary ustapty, oǵan da shuǵyl medısınalyq járdem qajet boldy.

Belgili bolǵandaı, ózbekstandyq bir jyl boıy Túrkistan oblysy Saıram aýdanyna kelip, jergilikti turǵynnyń qol astynda jumys istepti. Sońǵy ret kelgeninde qojaıynmen eseptesýdi jón kóredi, biraq jumys berýshi bas tartqan eken.

Janjaldyń arty tóbeleske ulasyp, ózbek azamaty er adamdy temir armatýramen ólgenshe sabap tastaıdy. Ákesiniń aıǵaılaǵan daýysyna kelip jetken jigit kúdiktiniń ústinen túsip, taǵy da tóbeles shyǵyp, bul joly ózbekstandyqtyń ózi aýyr jaraqat alǵan.

Ol aýdandyq aýrýhananyń jansaqtaý bóliminen bir-aq shyqty. Qazir ony polıseıler kúzetip otyr.

Jumysshysynyń qolynan ajal qushqan er adamnyń ulyna qatysty qylmystyq is qozǵaldy. Ol adamnyń densaýlyǵyna aýyr zıan keltirgeni úshin jaýap beredi.

Usynǵan: Ásel Bolatqyzy