Amerıkalyq boksshy Polı Malınádjı alda ótetin jekpe-jek qarsańyndaǵy baspasóz konferensıasy kezinde qarsylasy, reseılik MMA sheberi Artem Lobovtyń betine túkirip jibergen.

Makgregordyń dosynyń betine túkirgen amerıkalyq boksshynyń ádepke tompaq keletin qylyǵynyń vıdeosyn Qamshy.kz aqparat agenttigi ıýtýbtaǵy TheMacLife arnasyna silteme berip jarıalady.

Bylǵary qolǵap sheberleri konferensıa barysynda bir-birine iri-iri sóıledi. Daý-damaıdyń sońy 38 jastaǵy Malınádjıdiń Lobovtyń betine túkirýimen aıaqtaldy. Konferensıaǵa deıin amerıkalyq boksshy resıelik jekpe-jek sheberi tilin tartpasa, ony urýǵa ýáde bergen.

Qos bylǵary qolǵap sheberiniń jekpe-jegi Bare Knuckle FC 6 týrnıriniń basty kezdesýi bolmaq. Atalmysh týrnır 22-maýsym kúni AQSH-ta ótedi.

Lobov – ırlandıalyq jekpe-jek sheberiniń dosy. Al Lobov pen Malınádjı arasyndaǵy túıtkil 2017 jyldan beri jalǵasyp keledi. Arazdyqtyń basty sebebi – olardyń daıyndyq kezindegi judyryq túıistirýi. Sharshy alańda Konor Makgregor amerıkalyq boksshyny nokdaýnmen jeńedi. Biraq Malınádjı ózin ırlandıalyqtyń ıterip jibergenin aıtyp arazdyq týdyrǵan edi.

Aýdarǵan: Ádilet Mádenıet