İshki ister mınıstri Erlan Turǵymbaev almatylyq Almas Sadyqovtyń saýalyna jaýap berdi. Ol qazaqstandyqtar kúndelikti turmysta "Shyndyqtan qasha almaısyń" degen tirkesti paıdalana ala ma?" dep suraǵan. İshki İster mınıstrligi uzaq oılanyp, úsh aptadan keıin jaýap qaıtardy dep habarlaıdy Qamshy.kz aqparat agenttigi Hola News saıtyna silteme jasap.
Almas Sadyqov mınıstrdiń atyna bir aı buryn hat joldap, kelesi saýaldarǵa jaýap berýin suraǵan.
"Shyndyqtan qasha almaısyń" degen jazýy bar fýtbolka nemese basqa da zattardy paıdalanýǵa bola ma?
"Shyndyqtan qasha almaısyń" degen jazýdy jeke múlikte paıdalanýǵa, úı terezesine ilýge, avtokólikke, noýtbýktarǵa jazyp qoıýǵa bola ma?
Osy jazba kórsetilgen zattardy baspadan jáne kádesyı daıyndaıtyn kompanıalardan tapsyryspen jasatýǵa bola ma?
Quqyq qorǵaý organdarynyń qyzmetkerleriniń "Shyndyqtan qasha almaısyń" degen jazýy bar fýtbolka kıip júrgen turǵyndardy ustaýy qanshalyqty zańdy?
"Shyndyqtan qasha almaısyń" degen tirkesti paıdalanǵan Qazaqstan azamattary zań buzǵan bolyp eseptele me?
«Qurmetti Erlan Zamanbekuly! Maǵan jáne men sıaqty myńdaǵan Qazaqstan azamattaryna "Shyndyqtan qasha almaısyń" degen tirkesti paıdalaný quqyǵy men jaýapkershiligin túsindirip berýińizdi suraımyn. Qandaı da bir shekteýler bolsa, Ákimshilik nemese Qylmystyq kodekstiń qandaı baptary buzylatynyn aıqyndap ótseńiz», - dep jazdy Sadyqov.
Almas Sadyqov "eGov platformasynda onyń haty 547450 nómiri boıynsha tirkeldi" degen habarlama alǵan.
22 kún ótkennen keıin mınıstr almatylyqtyń suranysyna jaýap qaıtardy. Onyń joldaǵan saýaldary "vedomstvanyń quzyretine kirmeıdi" dep jazylǵan.
«Qurmetti Almas! «Qazaqstan Respýblıkasynyń İshki ister organdary týraly» Zańyna sáıkes, ishki ister organdarynyń mindeti qoǵamdyq tártipti qorǵaý bolyp tabylady. Sonymen qatar, siz joldaǵan saýaldarǵa jaýap berý ishki ister organdarynyń quzyretinde emes. Sonymen birge zańdar men onyń jeke erejeleriniń túsindirilýi onyń resmı túsindirilýine jatpaıdy. Atalǵan quzyretti oryndaý úshin ishki ister organdary zańdy qatań saqtaıdy jáne ony qoldaný tártibinde óz pozısıasyn bildiredi. Alaıda qaıshylyqtarǵa toly máselelerde óz sıpatyn berýge mindetti emes», - delingen Turǵymbaevtyń jaýabynda.
Mınıstr Almas Sadyqovtyń saýalyna mardymdy jaýap qaıtarmasa da, ol qoıylǵan suraqtarǵa naqty jaýap kútetin jazyp, Turǵymbaevqa qaıta hat joldady.
Usynǵan: Marjan Sábet
