Álemdegi ǵylym-bilimniń ekinshi ustazy ál-Farabı atyndaǵy qazaq ıntellıgensıasynyń birinshi qara shańyraǵyna, bizdiń ýnıversıtetke 85 jyl toldy dep jazady Qamshy.kz aqparat agenttigi ýnıversıtettiń baspasóz qyzmetiniń deregin negizge alyp.
Elimizdiń erteńi men búgini jastardyń qolynda degen qaǵıdany bárimiz bilemiz. Ýnıversıtetimiz — elimizdiń damýynyń kepili men kórsetkishi.
Ál-Farabı atyndaǵy Qazaq ulttyq ýnıversıteti Qazaqstannyń jetekshi klasıkalyq ýnıversıteti mártebesine ıe. Qazaqstan bilimi men ǵylymynyń iri ortalyǵy, joǵary kásibı, joǵary oqý ornynan keıingi bilim men ǵylymnyń ınovasıalyq damýynyń ulttyq kóshbasshysy. 2011 jyly ál-Farabı atyndaǵy QazUÝ halyqaralyq QS reıtıńilik agenttiginiń zertteý nátıjesiniń qorytyndysy boıynsha álemdegi 800 úzdik ýnıversıtet arasynda 499-oryndy ıemdense, 2013 jylǵy saraptaý nátıjesinde 299-oryndy baǵyndyrdy, al Qazaqstanda №1.
Ál-Farabı atyndaǵy QazUÝ Qazaqstan joǵary oqý oryndary arasynda gýmanıtarlyq ǵylymdar boıynsha QS pándik reıtıńiniń 150-tobyna engen jalǵyz ýnıversıtet.
QazUÝ-dyń 41 mamandyǵy sapa saraptamasy men ekonomıkalyq, quqyqtyq jáne áleýmettik-gýmanıtarlyq baǵytta bilim berý baǵdarlamalary boıynsha akkredıtaýdan ótti.
Ál-Farabı atyndaǵy QazUÝ joǵary básekege qabilettiligin taǵy da rastap QS reıtıńisinde Damýshy Eýropa jáne Ortalyq Azıa elderiniń (EECA - Emerging Europe & Central Asia) 10 úzdik JOO qataryna endi.
Ál-Farabı atyndaǵy Qazaq ulttyq ýnıversıteti TMD ýnıversıtetteri arasynda ekinshi orynda tur. Halyqaralyq QS reıtıńisi boıynsha álemdegi úzdik 200-top ýnıversıtet qataryna enip 200 oryndy ıemdendi. Qazaqstan JOO arasyndaǵy eń úzdik ýnıversıtet bolyp sanalady.
Ál-Farabı atyndaǵy Qazaq Ulttyq ýnıversıteti — Qazaqstan JOO basty reıtıńisi boıynsha kóshbasshy, memleketimizdiń tarıhynda birinshi bolyp Qazaqstan Respýblıkasy Prezıdentiniń «Sapa salasyndaǵy jetistikteri úshin» syılyǵynyń laýreaty, Táýelsiz Memleketter Dostastyǵynyń «Qyzmetter men ónim sapasy salasyndaǵy jetistikteri úshin» syılyǵynyń dıplomanty atanǵan oqý orny. Ýnıversıtet — Halyqaralyq ýnıversıtetter Asosıasıasynyń múshesi jáne Eýrazıalyq ýnıversıtetter Asosıasıasynyń uıymdastyrýshysy. Ortalyq Azıa memleketteri men Qazaqstan joǵary oqý oryndary arasynda birinshi bolyp Bolon qalasynda Ýnıversıtetterdiń Uly Hartıasyna qol qoıdy. ISO 9000:2000 halyqaralyq standarttar talaby negizinde sapa menedjmenti júıesine saı (SMJ) halyqaralyq sertıfıkattaýdan jemisti ótti jáne IQNET Halyqaralyq sertıfıkattaý júıesi syndy eń iri álemdik sertıfıkattaý ortalyǵynyń kýáligin ıelendi.
Búgingi tańda ál-Farabı atyndaǵy QazUÝ Sizderge alýan túrli mamandyqtardy usynatyn bilim jáne ǵylym ordasy.
Ýnıversıtet quramynda 16 fakúltet, 67 kafedra, 32 ǵylymı-zertteý ınstıtýty men ortalyqtar, tehnopark qyzmet atqarady: 2000-nan astam profesor, doktor, ǵylym kandıdaty men fılosofıa doktorlary, 100-den astam akademıalardyń akademıkteri, 30-ǵa jýyq Qazaqstan Respýblıkasyna eńbek sińirgen qaıratkerleri, 30-dan astam Qazaqstan Respýblıkasynyń memlekettik jáne ataýly syılyǵynyń laýreattary, sondaı-aq 40 jas ǵalymdar syılyǵynyń laýreattary men 45 memlekettik ǵylymı stıpendıalardyń stıpendıanttary eńbek etedi. Ýnıversıtette kásibı bilim berý kópsatyly júıesi boıynsha 25 myńnan astam bilimger men magıstrant bilim alýda. Biz, tájirıbe júrgizý men bilimgerlermen almasýda jáne zamanaýı halyqaralyq bilim baǵdarlamalaryn júzege asyrýda álemniń eń iri 418 halyqaralyq joǵarǵy oqý ornymen yntymaqtastyq ornatty.
Ál-Farabı atyndaǵy Qazaq ulttyq ýnıversıteti – birinshi bolyp memlekettik attestasıadan ótken jáne barlyq mamandyqtar men dárejeler boıynsha bilim kyzmetin jasaıtyn, Qazaqstan Respýblıkasyndaǵy joǵary oqý oryndar júıesiniń kóshbasshysy bolyp tabylady.
2013-2014 oqý jyldarynda ál-Farabı atyndaǵy Qazaq ulttyq ýnıversıteti Bilim sapasyn qamsyzdandyrý táýelsiz Qazaqstandyq agenttigi (BSQTQA)júrgizgen JOO-nyń ulttyq reıtıńisine jáne QR BjǴM Bolon prosesi jáne akademıalyq utqyrlyq Ortalyǵy júrgizgen bilim berý baǵdarlamalarynyń reıtıńisine qatysty. Sonymen qatar ýnıversıtet mamandardy daıarlaýdyń baǵyttary men deńgeıleri boıynsha Akredıtteý jáne reıtıńtiń táýelsiz agenttigi (ARTA) júrgizgen reıtıńke qatysty.
BSQTQA júrgizgen ulttyq reıtıńtiń nátıjesi boıynsha, ýnıversıtet qaıtadan birinshi orynǵa kóterildi.
2014 jyly Resertıfıkattaý aýdıtiniń nátıjesi boıynsha ál-Farabı atyndaǵy QazUÝ ýnıversıtettiń sapa menedjmenti júıesiniń halyqaralyq ISO 9001:2008 standartyna sáıkestigin dáleldeıtin«TQCS International»halyqaralyq sertıfıkatyn aldy.
2014 jyly ál-Farabı atyndaǵy QazUÝ ınstıtýsıonaldy akredıtasıadan sátti ótip, Bilim sapasyn qamsyzdandyrý táýelsiz Qazaqstan agenttiginiń Instıtýsıonaldyq akredıtasıalaý týraly kýáligin ıelendi
QR BjǴM BPOjAM júrgizgen bakalavrıat baǵdarlamalaryn akademıalyq saraptaýda ýnıversıtet júldeli oryndardyń sany boıynsha birinshi oryndy ıelendi, olardyń ishinde 24 birinshi oryn, 13 ekinshi, 4 úshinshi oryn.
Halyqaralyq áriptestik te belsendi damyp keledi. QazUÝ álemniń 46 eliniń ǵylymı ortalyqtarymen jáne 400 jetekshi ýnıversıtetterimen jemisti eńbek etýde. Oqý orny BUU-nyń «Akademıalyq yqpal» baǵdarlamasynyń turaqty damý boıynsha jahandyq haby jáne IýNESKO – UNİTWİN-niń turaqty damý boıynsha aımaqtyq haby bolyp tabylady. QazUÝ – Ortalyq Azıada ýnıversıtetterdiń halyqaralyq konsorsıýmyna, Clinton Global İnitiative University ýnıversıtetter jelisine jáne Jibek joly ýnıversıtetter alánsyna qabyldanǵan jalǵyz ýnıversıtet.
Eń taza ekologıalyq jaǵdaıdaǵy 200 ýnıversıtettiń de qatarynan kóringen kıeli ordamyzdy taǵy da maqtan tutamyz.
Alǵash ret Qazaqstandyq ýnıversıtet — ál-Farabı atyndaǵy QazUÝ álemdegi 800 eń úzdik ýnıversıtetter arasynda 220 orynǵa ıe bolyp, QS «World University Rankings» halyqaralyq reıtıńisinde taǵy 16 orynǵa alǵa shyqty. Bul topqa postkeńestik keńistikten tek eki ýnıversıtet kiredi: QazUÝ jáne Lomonosov atyndaǵy Máskeý memlekettik ýnıversıteti (RF).
QazUÝ-da bilim berý sapasy basqa ýnıversıtettermen salystyrǵanda joǵary dárejede deýge negiz bar. Sebebi qara shańyraǵymyzdaǵy shákirtterdiń bilim alýy men ǵylymı jumystarmen aınalysýǵa barlyq jaǵdaı jasalǵan jáne de osy múmkindikterdi paıdalana otyryp, biz elimizdiń kóshbasshy stýdentterine aınala alamyz.
Múmkindikti jiberip almaıyq, jas dos!
Arnur İzbaı
Bıologıa jáne bıotehnologıa fakúltetiniń 2-kýrs stýdenti, bıoalýantúrlilik jáne bıoresýrstar kafedrasynyń aǵa oqytýshysy Mankıbaeva S.A., bıofızıka jáne bıomedısına kafedrasynyń aǵa oqytýshysy Ýmbetárova L.B., bıotehnologıa kafedrasynyń dosenti G.I.Ernazarova.
Usynǵan: Ásel Bolatqyzy
