Eki kún shamasynda jeli qoldanýshylary eshqandaı jazba jarıalamaı, halyqqa eshqandaı málimdeme jasamaı júrgenine kishigirim renish bildirgen. Búgin Ámirjan Qosanov ózin izdep jatqan janashyrlaryna jaýap berdi dep habarlaıdy Qamshy.kz aqparat agenttigi.

"Meni Feısbýkta joǵaltyp aldyq, "ol qaıda júr" degendeı áńgimeler estip jatyrmyn. Osynyń aldynda Almaty qalasynda bolǵanbyz. Búgin, mine, shtabtyń ókilderimen birge poıyzben Qostanaı qalasyna keldik", - dedi úmitker.

Sondaı-aq, ol óziniń Qostanaı óńirine kelgen sapary mańyzdy ekenin jetkizdi. Sózine sensek, Qazaqstannyń Reseımen shekaralas jatqan aımaqtaryndaǵy ulttyq-demokratıalyq máseleler aqsap tur eken.

Sonymen qatar, Ámirjan Qosanov Qostanaı oblysynyń el ekonomıkasyndaǵy úles-salmaǵy jaıly aıtyp, bul saparda birqatar máseleler sheshilip, halyqpen, qoldaýshylarmen jolyǵatynyn jetkizdi.

Óz jaqtastaryna alǵys bildirgen úmitker sózin kelesi uranmen túıindedi: "Qostanaı Qosanovty qoldasa, qazaqtyń kósegesi kógeredi".

Daıyndaǵan: Ádilet Mádenıet