Facebook paraqshasynda Saıda Mırzıeeva shetel tájirıbesi men mamandardyń pikirin alǵa tartyp, "bizdiń mınıstrlik pen mekemelerdiń baspasóz qyzmetiniń jumysy óte tómen deńgeıde ekenin moıyndaýǵa týra keledi" dep atap ótken.

"Baspasóz qyzmeti jetekshileriniń kóbi BAQ-pen jumys qajettigin túsinbeıdi. Halyq elde bolyp jatqan reformalardy jetkilikti bilmeıdi. Prezıdent pen úkimet qabyldap jatqan sheshimder halyqqa durys jetip jatqan joq. Aqparat durys jetpegendikten halyqta ekiudaı pikir qalyptasady", - dep jazady Mırzıeeva.

Ol baspasóz qyzmetiniń jumysyna qatysty qosymsha quqyqtyq-normatıvtik qujat qabyldaý kerektigin alǵa tartyp, bul baǵyt boıynsha jumystardyń bastalyp ketkenin jetkizdi.

Prezıdenttiń úlken qyzy Saıda Mırzıeeva bıyl sáýir aıynda Aqparat jáne buqaralyq baılanys agenttigi dırektorynyń orynbasary qyzmetine taǵaıyndalǵany belgili.

Usynǵan: Ásel Bolatqyzy