Vladımır Zelenskııdiń komandasy prezıdenttiń jumys ornyna kelgendegi alǵashqy áserimen bólisip, áleýmettik jelilerde vıdeo jarıalady dep habarlaıdy Qamshy.kz aqparat agenttigi You Tube jelisine silteme jasap. 

YouTube jelisindegi «Ze! Prezıdent» arnasynda Zelenskııdiń memleket basshysy retindegi alǵashqy jumys kúnderi kórsetilgen vıdeo paıda boldy.

Vıdeoda Zelenskıı Poroshenkonyń burynǵy kreslosyna otyryp, «yńǵaısyz eken» deıdi. Janyndaǵylar qoshemetteı jónelgende, «Nege qol soǵasyzdar?», - dep suraıdy.

«Biz myna jerden qashan kóshedi ekenbiz dep oılap otyrmyn», - dedi prezıdent kabınetinde jıyn ótkizgen Zelenskıı.

Esterińizde bolsa, buǵan deıin Zelenskıı ákimshilik ǵımaratynda jumys istegisi kelmeıtinin málimdegen. Onyń aıtýynsha, Prezıdent apparaty úkimettik aýdanda emes, ashyq jerde jumys isteýi kerek. Alaıda ol qaı jerge kóshetinderin naqty aıtqan joq.

Oqı otyryńyz: 

♦ Eshqandaı rezıdensıa kerek emes: Zelenskıı qaıda turatynyn málimdedi

Daıyndaǵan: Marjan Sábet