Qaraǵandy oblysy aýdandyq bilim departamentiniń basshysy Aınagúl Aqmaǵambetova jazalanady, dep habarlaıdy Qamshy.kz aqparat agenttigi Hola News saıtyna silteme jasap.

Testileý naýryz aıynda ótken. Abıtýrıentterdiń biriniń anasy Aınagúl Aqmaǵanbetova memlekettik komısıanyń tóraıymy bolypty. Aqmaǵanbetovanyń qyzy UBT-ny telefonnyń kómegi arqyly tapsyryp shyǵyp, 103 bal jınaǵan.

Alaıda erejege qarsy keletin áreket birden anyqtalmaǵan. Memlekettik qyzmet departamentiniń mamandary vıdeony kórý barysynda zań buzýshylyqty anyqtady. Emtıhan kezinde jaýap qabyldanyp qoıǵandyqtan, UBT nátıjeleri joıylmady. Sondyqtan qyzdyń baly sol qalpynda qaldy.

Biraq mektep túlegi memlekenttik grantqa talasa almaıdy. Onyń tapsyrǵan testi aqyly bólimge arnalǵan. Memlekettik qyzmet isteri jáne sybaılas jemqorlyqqa qarsy kúres basqarmasynyń basshysy Jandos Sársenov aýdandyq bilim bóliminiń basshysyn jaza kútip turǵanyn aıtty.

Usynǵan: Marjan Sábet