Armenıa prezıdenti Armen Sarkısán Eýrazıa medıa forýmy týraly jáne Senat spıkeri, forýmdy uıymdastyrý komıtetiniń tóraıymy Darıǵa Nazarbaevanyń talanty týraly aıtty dep jazady Qamshy.kz aqparat agenttigi Tengrinews.kz saıtyna silteme jasap.
"Eýrazıalyq keńistiktegi jýrnalısik ortaǵa úlken yqpal etken keremet ınstıtýtty quttyqtaǵym keledi. Men Eýrazıalyq medıaforým týraly oılanǵan kezde, eki nemese úsh uǵym paıda bolady. Evrazıa degenimiz ne? Ol jaı ǵana geografıa emes. Meniń túsinigimde Eýrazıa bir sózdiń sheńberine syımaıtyn uǵym. Biz Eýrazıa týraly aıtqanda, Qazaqstandy umyt qaldyrýǵa bolmaıdy. Eýrazıa bul – órkenıet, Uly Jibek joly, Lev Gýmılevtiń fılosofıasy jáne Nursultan Nazarbaevtyń Máskeý memlekettik ýnıversıtetinde sóılegen sózi", - dedi Armen Sarkısán Almatydaǵy forým aldynda.
Sonymen qatar Armenıa basshysy Eýrazıalyq medıaforýmdy birinshi kezekte Darıǵa Nazarbaevamen baılanystyrady.
"Bizdiń túsinigimizde bul forým ol – birinshi kezekte Darıǵa Nursultanqyzy Nazarbaeva, tuńǵysh prezıdent Nursultan Ábishuly bastaǵan Qazaqstan úkimetiniń qoldaýy jáne onyń arqasynda osy forýmnyń shynymen de oryn alǵany. Bul jaqqa birneshe jyldan beri kelmegen soń men óte jaǵymdy áserdemin. Oılap qarasam, bizdiń ómirimizde ózgermeıtin nárseler bar eken. Ol sizben (red. Darıǵa Nazarbaevamen) birge jumys isteı bastaǵan jáne sizben birge jumys jasap kele jatqan adamdar. Sonymen qatar, bul sizdiń ózińizben birge uzaq jyldar boıy birge jumys jasaı alatyn adamdardy tańdaýdaǵy talantyńyz. Sizge úlken alǵys aıtqym keledi", - dedi Armenıa prezıdenti Darıǵa Nazarbaevaǵa aıtqan lebizinde.
Aıta keteıik, XVI Eýrazıalyq medıaforým Almatyda 22-24 mamyr kúnderi ótedi.
Usynǵan: Mıat Káshibaı
