Almatydaǵy XVI Evrazıalyq medıaforýmda Aqparat jáne qoǵamdyq damý mınıstri Daýren Abaev otandyq jýrnalısıka men álemdik BAQ-tyń áleýmettik jeliden basty artyqshylyǵy jaıly pikir bildirdi dep jazady Qamshy.kz aqparat agenttigi.
Jýrnalıser mınıstr Abaevtan qazaqstandyq jýrnalısıkanyń deńgeıi týraly surady.
–Men otandyq jáne sheteldik medıany biri-birinen kem nemese artyq demes edim. Jalǵyz qazaqstandyq emes, búkil BAQ quraldarynda kemshilikter bolady. Biraq aıta ketý kerek, qazaqstandyq jýrnalısıkanyń kásibı biliktiligi qazir álemdik deńgeıge jetken, - dedi Dáýren Abaev.
Sonymen qatar, ol klasıkalyq jýrnalısıkany áleýmettik jelimen salystyrdy.
–Maǵan medıa, kásibı jýrnalısıka men áleýmettik jeli týraly suraqtar unady. Men muny basqasha aıtar edim. Qazaqstandyq BAQ quraldary áleýmettik jelimen básekesine qalaı tótep bere alady? Bul – abyroı jáne senim. Áleýmettik jelide jarıalanǵan materıaldarǵa qaraǵanda kásibı jýrnalısıkaǵa senim kóbirek bolatynyn túsinýimiz kerek. Óıtkeni, áleýmettik jeli qoldanýshylarynan aıyrmashylyǵy jýrnalıser materıaldy jarıalamas buryn aqparatty tekseredi. Men jýrnalısıkanyń únemi aqparattyń eń senimdi jáne aıqyn derekkózi bolatynyna senemin” – dedi mınıstr Dáýren Abaev.
Aýdarǵan: Ildar Adılchenov
