Almatyda saýda ortalyqtarynyń birinde 32 jastaǵy er adam 7 jastaǵy qyzdy zorlaýǵa árekettendi, dep habarlaıdy Qamshy.kz aqparat agenttigi zakon.kz saıtynyń deregin negizge alyp.

Áleýmettik jelide ótken beısenbide saýda ortalyqtarynyń birinde er adam 7 jastaǵy qyzdy zorlaýǵa árekettendi degen aqparat taralǵan bolatyn.

“Er adam ájethanaǵa kirip, ańdyp otyrdy. Qyz bala kirgen kezde, onyń anasy dálizde kútken. Osy kezde er adam qyzdy ustap alyp, ár túrli vıdeolar kórsetedi. Al muny ájethanadaǵy bir áıel estip, polısıa men kúzetshilerdi shaqyrady. Ol qyzdy zorlaǵysy keldi”, - dedi áıel úreıli daýyspen.  

Bul oqıǵany Almaty polısıa departamentiniń baspasóz qyzmeti aqparatty rastady.

“Kámelet jasqa tolmaǵan qyzǵa qarsy qylmys jasady dep kúdikti QR QK 128-babyna sáıkes ýaqytsha ızolátorǵa qamaldy. Ol 32 jastaǵy Aqtóbe oblysynyń týmasy bolyp shyqty. Buryn jas balalardy azǵyrǵany úshin túrmede otyrǵany anyqtaldy. Qazirgi tańda kúdikti QR Qylmystyq kodekstiń eki baby: 121-bap 4 bólim jáne 124 bap 1 bólim boıynsha aıyptalýda. Sotqa deıingi tergeý Bostandyq aýdanynyń polısıa basqarmasy júrgizýde. Tergeý barysy qala prokýrory men Almaty polısıa basshylyǵynyń baqylaýynda”, - dedi Polısıa departamentiniń resmı ókili Saltanat Ázirbek.

Daıyndaǵan: Ildar Adılchenov