Bul jaǵdaı gaz balonyn búrkýden bolǵan degen boljam bar, dep habarlaıdy Qamshy.kz aqparat agenttigi Atyraý oblysynyń Óńirlik komýnıkasıalar qyzmetiniń deregin negizge alyp.
Oqıǵa búgin, 23 mamyrda kúnniń alǵashqy jartysynda bolǵan. Oqıǵa ornyna jedel járdem toby keldi. Berilgen aqpar boıynsha, kolejdiń 1-2 qabattarynda belgisiz zattyń ótkir ıisi bolǵan, nátıjesinde 20 adam aýrýhanaǵa ákelindi.
Bul týraly ÓKQ-de ótken baspasóz jıynynda Atyraý servıs koleji dırektorynyń óndiristik oqytý jónindegi orynbasary Gúlsim Jalmuhanova málimdedi.
— Balalardyń jappaı ýlanýynyń sebebi anyqtalýda, beınebaqylaý kameralarynyń jazbalary tekserildi. Endi balalardyń densaýlyǵyna eshteńe qaýip tóndirmeıdi. Naýqastarǵa ýaqytyly kómek kórsetildi. Densaýlyq jaǵdaıyn qalypqa keltirgendikten, stýdentterdiń kóbisi úıge jiberildi, al qalǵany keshki saǵat 19.00-ge deıin shyǵarylady. Olardyń barlyǵy ýchaskelik dárigerlerdiń baqylaýynda bolady. Qazir bul jaǵdaımen quqyq qorǵaý organdary aınalysýda, oqıǵa gaz balonyn búrkýden bolǵan degen boljam bar», - dedi Gúlsim Jalmuhanova.
Usynǵan: Ásel Bolatqyzy
