Túrkistan ákimdigi jelide tarap jatqan vıdeoǵa qatysty pikir bildirdi, dep jazady Qamshy.kz aqparat agenttigi Tengrinews.kz saıtyna silteme jasap. 

WatsApp, Instagram áleýmettik jelilerinde jumysshylardyń aıaq jol tósenishin jınap jatqan sátinen vıdeo taraǵan. Vıdeo avtory qalaǵa joǵary Qazaqstannyń premer-mınıstri Asqar Mamın kelgende tóselip, ketkende jol tastary qaıta alynyp jatyr dep málimdegen.

Al qala ákimdiginiń ókilderi vıdeoda túsirilgen aýmaq - Túrkistan qalasy Táýke han dańyly men Kenesary han kóshesiniń qıylysy ekenin aıtady.

"Qazirgi tańda Túrkistan qalasynyń Táýke han dańǵylynda ortasha jóndeý jumystary júrgizilip jatyr. Jalpy qala aýmaǵynda nysandar salýmen qatar joldardyń jóndelip jatqanyn da el biledi. Atalǵan nysanǵa QR premer-mınıstri Asqar Mamın Túrkistan qalasyna jumys sapary barysynda barmaǵan. Iaǵnı, premer-mınıstrdiń saparyna arnaıy salyndy degen derek - jalǵan", - dep málimdedi ákimdik ókilderi.

Negizinde avtor vıdeoǵa túsirip jatqan sátte merdiger mekemeniń jumysshylary ózderi sapasyz oryndaǵan 30 sharshy metr jýyq aýmaq aıaq joldy qaıta tóseý maqsatynda jınap jatqan eken.

"Iaǵnı Táýke han dańǵylynyń Kenesary han, Ybraev kosheleri aralyǵyndaǵy 30 sharshy metr jýyq aıaq jol tósenishi (brýschatka) jınalyp jatqan sát jurtshylyqqa tarap otyr. Búginde jınalǵan qurylys materıaldary talapqa saı rettelip, (brýschatka) aıaq joldyń aqaýlary túzetilip, ornyna qaıta ornatyldy", - degen ákimdik ókilderi jalǵan málimet taratqandardyń QR Qylmystyq kodeksiniń 274-baby boıynsha jaýapkershilik arqalaıtynyn eskertti.

Usynǵan: Mıat Káshibaı