Qalamqas ken ornynda 23 mamyr kúni saǵat 06.00 kezinde sý men gaz qaıta atqylaǵan dep habarlaıdy Qamshy.kz aqparat agenttigi Hola News saıtyna silteme jasap. 

Oblystyq Tótenshe jaǵdaılar departamentiniń habarlaýynsha, grıfon uńǵyma saǵasynan 35 metr jerde bilingen. Bıiktigi - 30-40 santımetrdi quraǵan.

«Oqıǵa ornynda «Semser Órt sóndirýshi» JSHS órtke qarsy qyzmeti jumys jasaýda. Bir avtosısterna sý ketti. «MańǵystaýMunaıGaz» AQ aqparatyna saı, uńǵymany retteýge bolady. Ol qashyrtqy shamdy shyǵarylymǵa qarsy qurylǵymen qamtamasyz etilgen. Grıfonnyń tómendegeni baıqalady», - delingen Mańǵystaý oblystyq TJD qyzmeti.

Atalmysh jaǵdaı boıynsha jedel shtab uıymdastyrýshylyq-tehnıkalyq jumystardy qolǵa alyp, jumys josparyna saı grıfon tıeýdi bastaǵan. Uńǵymanyń saǵasynan qysymdy órshitý júrgizilip, grıfondy qashalaý jumystary júrgizilgen. Yqpal etetin 8 uńǵyma toqtatylǵan.

Departamenttiń habarlaýynsha, №8237 uńǵymasynda apattyq jaǵdaı joq. Grıfon - jerdiń nemese sý qoımasynyń betinen joǵary kóterilgen jınaqtalǵan jer asty sýy.

Usynǵan: Marjan Sábet