Túrikmenstan basshysy Gýrbangýly Berdimuhamedov Ashhabad qalasynda qaptaǵan kóbelekter men shybyn-shirkeılerdi joıýǵa tapsyrma berdi dep habarlaıdy Qamshy.kz aqparat agenttigi iz.ru saıtyna silteme jasap.
Túrikmenstan prezıdenti qalalyq májilis zalynda sóılegen sózinde joǵary ylǵaldylyq pen jıi jaýǵan jańbyrdyń saldarynan qalada kóbelekter men shybyn-shirkeıler qaptaǵanyn aıtqan. Biraq Gýrbangýly Berdimuhamedov bul jaǵdaıdyń aldyn almaǵan jergilikti bılikti erekshe synǵa aldy.
Ekologıalyq normanyń buzylýyn retke keltirý úshin jaýapty vedomstva shuǵyl áreket jasaýy kerek. «Memlekettik saıasattyń negizgi basymdyqtarynyń biri - qalalarymyz ben aýyldarymyzdyń ekologıalyq hal-ahýalyn qamtamasyz etý», - dedi prezıdent.
Esterińizde bolsa, Túrikmenstan prezıdenti ahalteke qulyny týraly rep oqyǵan bolatyn. El basshysy ózi shyǵarǵan óleńdi (rep) Halyqaralyq at sporty ortalyǵynda ahalteke jylqysynyń Ulttyq meıramyna oraı uıymdastyrylǵan merekelik sharada oqyǵan. Mýzykasyn prezıdenttiń nemeresi Kerımgýly jazǵan.
Daıyndaǵan: Marjan Sábet
Oqı otyryńyz:
