Atyraý oblystyq Memlekettik kirister departamenti bastyǵynyń orynbasary bolyp Qurmanǵalı Tasmaǵambetov taǵaıyndaldy dep jazady Qamshy.kz aqparat agenttigi atalǵan departamenttiń Facebook paraqshasyna silteme jasap.

Qurmanǵalı Nurǵalıuly 1959 jyldyń 12 maýsymynda Gýrev oblysy (qazirgi Atyraý) Mahambet aýdany Novobogat aýylynda dúnıege kelgen. 1984 jyly Gýrev pedagogıkalyq ınstıtýtyn fızıka pániniń muǵalimi mamandyǵy boıynsha bitirgen. 2011 jyly Atyraý munaı jáne gaz ınstıtýtyn ekonomıs mamandyǵymen aıaqtaǵan. Eńbek jolyn 1984 jyly orta mektepte muǵalim bolyp bastaǵan.

1986-1988 jyldary aralyǵynda Mahambet aýdanynyń mekteparalyq oqý-óndiristik kombınatynyń muǵalimi, 1988-1991 jyldary Mahambettegi syrttaı-keshki mekteptiń dırektory, 1991-1992 jyldary Mahambet OÓK sheberi bolyp jumys istegen.

1992-1995 jyldary Mahambet aýdanynyń fılmotekasyn basqarsa, 1995-1997 jyldar aralyǵynda «Mereı» fırmasyna jetekshilik etken.

2002-2019 jyldar aralyǵynda Atyraý jáne Aqtóbe oblysynda Kedendik baqylaý departamentin basqaryp, Mańǵystaý oblystyq Memlekettik kirister departamenti bastyǵynyń orynbasary qyzmetin atqarǵan.

Usynǵan: Mıat Káshibaı