Qazaqstannyń prezıdenttigine úmitker kandıdattar saılaýdyń aldynda debat ótkizedi dep habarlaıdy Qamshy.kz aqparat agenttigi Qazaqstan Respýblıkasy Ortalyq saılaý komısıasynyń múshesi Lázzat Súleımenovanyń málimdemesin negizge alyp.

2019 jylǵy 24 mamyrda Qazaqstan Respýblıkasy Ortalyq saılaý komısıasynyń otyrysy ótip, qatysýshylar arasynda saılaýaldy debat ótkizý máselesi talqylandy. 

«Debatty 2019 jyly 29 mamyrda Nur-Sultan qalasynda ótkizýdi usynyp otyrmyz», - dedi Súleımenova.

Ortalyq saılaý komısıasynyń apparatyna  atalǵan sheshimdi Qazaqstan prezıdenttigine úmitkerlerdiń saılaýaldy shtaby men "Habar" agenttigine habarlaý tapsyryldy. Sonymen qatar saılaýaldy televızıalyq talqylaý men debat ótkizý máselesi boıynsha "Habar" agenttigimen kelisim shart jasalady.

Debattyń birinshi kezeńiniń taqyryby – "Qazaqstannyń ekonomıkalyq damý basymdyqtary". Bul kezeńniń ózi eki bólimnen turady. Birinshi bólimde saılaýǵa túsýshilerdiń árqaısysy óziniń saılaýaldy baǵdarlamasyn tanystyrady. Ekinshi bólimde árbir qatysýshy qarsylastaryna suraq qoıyp, pikirtalas ótkizedi. Saılaýǵa túsýshiler  ózderiniń oponentterine eki suraqtan qoıyp, sondaı-aq eki suraqqa jaýap bere alady.

Ekinshi kezeńniń taqyryby – "Qazaqstannyń áleýmettik jańǵyrýy". Birinshi bólimde atalǵan taqyryp boıynsha sóz sóıleıdi. Ekinshi kezeńde júrgizýshi barlyq qatysýshylarǵa bir suraq qoıady.

Úshinshi kezeń – «Saılaýshylarǵa sóz». Bul kezeńde daýys berýshiler prezıdenttikke úmitkerlerge tikeleı saýal joldaı alady.

OSK-nyń aıtýynsha, debat 80 mınýtqa sozylýy múmkin.

Daıyndaǵan: Marjan Sábet