Habarovsk ólkesinde QHR jergilikti konsýldyǵy Qazaqstan, Qyrǵyzstan, Ózbekstan, Tádjikstan, Ázirbaıjan jáne reseılik avtonomıalyq respýblıkalary Tatarstan men Dágistan elderinen shyqqan azamattarǵa qytaılyq Fýıýan qalasyna kirýge tyıym saldy. Bul Qamshy.kz aqparat agenttigi «Kıtaıskaıa ýgroza» atty Telegram kanalyna silteme jasap habarlaıdy.
Qytaı sebepsiz bul tyıym týraly birjaqty sheshim qabyldaǵan. QHR bıliginiń bundaı sheshimi týraly reseılik SİM qyzmetkerleri de bilmeı qaldy. Qıyr Shyǵystaǵy reseılik dımlomatıalyq vedomstvanyń ókili Pavel Sılaevtyń aıtýynsha, Habarovsk qalasyndaǵy QHR bas konsýldyǵyna arnaıy nota jiberildi. Qytaı ókilderi bul jaǵdaı týraly pikir bildirmedi.
“15-mamyr kúni biz Habarovsktaǵy QHR bas konsýldyǵyna arnaıy nota jiberdik. Jaýapty birneshe kúnde kútemiz. Qytaılyq tarap óz sheshimderi týraly bizdi eskertpedi. Bul ishki terorızmmen kúres bolýy múmkin. Biraq biz eshtene bilmeımiz. Jaǵdaıdy bilgen soń, problemany sheshý jolyn tabamyz”, -dedi Pavel Sılaev.
Aýdarǵan: Ildar Adılchenov
