Qazaqstandyq jas ánshi Erjan Maksım Reseıde ótken "Golos.Detı" shoýynyń jeńimpazy atyndy dep jazady Qamshy.kz aqparat agenttigi. 

Bul týraly atalǵan shoýdy uıymdastyrýshy "Birinshi arna" dırektory Konstantın Ernest shoýdyń arnaıy shyǵarylymynda málimdedi.

"Golos.Detı" shoýynyń fınalyna shyqqan qatysyýshylardyń barlyǵy jeńimpaz. Olardyń árqaısyna 1 mıllıon rúbl syıaqy jáne "Iýnıversal múzık" stýdıasynda án jazýǵa múmkindik beriledi", - dedi Ernest.

Jeńimpazǵa beriletin músinsheni birinshi bolyp Erjan Maksımge tapsyrǵan Ernst oǵan "Birinshi arnada eshteńe satylmaıtynyn sen endi biletin bolasyń" dedi.

Sonymen qatar Konstantın Ernst "Golos.Detı" shoýy jalǵasatynyn aıtty.

Esterińizde bolsa, 26 sáýirde "Birinshi arna" tikeleı efırinde "Golos Detı" shoýynyń fınaly ótip, reseılik ánshi Alsýdyń qyzy Mıkella Abramova 56,5 paıyz daýyspen jeńiske jetken. Qazaqstandyq Erjan Maksım 27,9 paıyz daýyspen – ekinshi, Valerıı Kýzakov 15,6 paıyz daýyspen úshinshi oryn alǵan.

Bul nátıjege kóńilderi tolmaǵan reseılik ánshiler men akterler, jeli qoldanýshylary konkýrs daýys berý nátıjesin qaıta qaraýdy talap etken. 

Usynǵan: Mıat Káshibaı