"Erteńnen bastap júgiremin, dıeta ustaımyn, kún saıyn aǵylshyn tilin úırenemin. Men erteń temekini tastaımyn, kóp dostar tabamyn, jumysqa  belsene kirisemin nemese óz armanymdy júzege asyra bastaımyn. Meniń erteńgi kúnim múldem basqasha bolady ..."

 Erteńgi kún – bizdiń kúntizbemizde árqashan eń kúshti kún. Ózgeristerge muqtaj bolsaq, erteńnen bastap barlyq josparlanǵan ózgeristerdi jasaı alatynymyzdy jıi aıtyp otyramyz. Alaıda erteńgi kúni barlyǵy oılaǵandaı bolmaıdy. Kúndelikti ómirde biz muqıat daıyndalǵan jospardy iske asyrýdyń ózi úlken eńbekti qajet etedi. Sondyqtan jáı ǵana "erteńnen bastap ómirimdi ózgertem" degen jospardy birden oryndaý óte qıyn dep jazady Qamshy.kz aqparat agenttigi.  

 Ádette adamdar jańa bastamalardy óz-ózderine kóńili tolmaǵan kezde nemese belgili bir ortaǵa beıimdelý úshin bastaıdy. Bastapqyda qıyn bolýy múmkin, sebebi ózińizdiń úırenshikti kún tártibińizdi ózgertip, jańa isti zertteı bastaısyz. Kóp jaǵdaılarda bizdiń ózgerý qajettiligimiz de qorshaǵan ortaǵa qatty áser etedi. Keıbireýler bizdiń transformasıalarymyzǵa kóz salyp, sáttilik tilese, endi biri jańa isińizdi baǵalap, synaýy múmkin.  

Eń bastysy - bas tartpaý. Ózgerister engizý úshin erte berilmeńiz. Barlyǵy bir kúnde bola salmaıdy. Sony esten shyǵarmańyz. Óz maqsatyńyzǵa jetý úshin sizdi alǵa tartatyn kishigirim áreketterdi josparlańyz.

Sonymen, erteńgi kúnnen jańa ómirdi qalaı bastaýǵa bolady?

Kez kelgen isti basynan bastaý ońaı bolmaıdy, biraq batyldyq tanytyp, kishigirim qadamdardan bastaý kerek. Siz minez-qulqyńyzdy kúrt ózgertip, ózińizdi qaıta qurýdy qarqyndy isteseńiz, kóp uzamaı bul áreketter sizge tym aýyr kórinip, bárinen ońaı bas tartasyz.

Ómirdi tıimdi ózgertý úshin ne isteý kerek?

1. 5 jyldan keıingi ózińizdi elestetip kórińiz

Erteńgi kúni ózińiz oılaǵandaı tabysqa jetý úshin kúsh salmasańyz, eshteńe shyqpaıdy. Siz áli de birinshi qadamdy jasaýǵa motıvasıa izdeseńiz, erteńgi kúnniń josparyn keıinge qaldyrý arqyly siz taǵy da  5 jyldan keıingi ózińizdi joǵaltatynyńyzdy oılańyz.

2. Ózińizdi zertteńiz

Sizdiń ómirińizdiń qandaı elementterin jaqsartý kerek? Kimge nemese nege eń kóp nazar aýdarasyz? Óz maqsattaryńyzǵa qalaı jetýge bolady? Sizde ynta joq bolǵandyqtan, júzege asyra almaǵan fantasıkalyq ıdeıalaryńyz týraly oılańyz. Ózińizge jan-jaqty suraq qoıyńyz! Ózińizdi tanyńyz.

3. Aldyńyzǵa maqsattar qoıyńyz

Olardyń múmkindiginshe úlken, biraq sonymen qatar naqty ekendigine kóz jetkizińiz. Sizdiń árbir maqsatyńyz múmkindiginshe dál sıpattalýy kerek. Sizdiń salmaq joǵaltyp qana qoımaı, ony qalaı júzege asyratynyńyz mańyzdy. Sondyqtan josparly áreket jasańyz. Ózińizge suraqtar qoıyńyz! Qansha keli salmaq joǵaltasyz? Sizge salmaq joǵaltý qanshalyqty qajet? Siz qandaı dıetany qoldanasyz? Siz qandaı dene jattyǵýlardy tańdaısyz? Armandaryńyzdaǵy salmaqqa jetý úshin qansha ýaqyt qajet?

Árbir úlken tapsyrma shaǵyn elementterden turady. Tek naqty jospar ǵana sizge maqsatqa jete alatynyńyzǵa senimdilik beredi.

4. Ártúrli áserlerge daıyn bolyńyz

Qyzyǵýshylyq zańy shynymen bar. Sizde kúresip jatqan nársege jetý úshin naqty motıvasıa bar. Endi sizdiń jolyńyzda týyndaýy múmkin qıyndyqtardy anyqtańyz.

Buǵan daıyn bolyńyz jáne bul fakt sizdi esh tań qaldyrmasyn. Yqtımal problemalar men qıyndyqtarǵa jaýap berý strategıasyn daıyndańyz. Árbir sátsizdikke núkteni qoıyp, árekettenýdi toqtaýsyz jalǵastyryńyz.

 Joǵaryda sıpattalǵan barlyq qadamdardy aıaqtasańyz, quttyqtaımyn! Siz óz minez-qulqyńyzdy, maqsattaryńyz ben mindetterińizdi tolyq  taldaı alatyn adamǵa aınaldyńyz. Endi ózińizdi ózgertý úshin sizde jospar bar. Erteńnen bastap sony júzege asyratyn ýaqyt keldi!