Senbide Sultan Beıbarys alańyna birneshe saǵat boıy shamamen 20 jekpe-jek ókilderi jınaldy.Úlken sporttyq dodaǵa aınaldy.

Jaýyngerlik óner festıvaliniń uıymdastyrýshylary - Atyraý oblysynyń dene shynyqtyrý jáne sport basqarmasy, oblystyq jaýyngerlik óner Asosıasıasy, sondaı-aq, Olımpıadalyq emes sporttyq jekpe-jek federasıasy.

Festıvál aıasynda jaýyngerlik óner asosıasıasynyń quramyna kiretin shamamen 20 sport túriniń chempıondary : karate, mýaı taı, kıkboksıń, MMA, pankratıon, greplıng, sambo, taekvondo jáne djý-djıtsýdan óz ónerlerin kórsetti.
- 10 myńnan astam adam jaýyngerlik óner festıvaliniń kórermeni boldy. Sharanyń negizgi maqsaty - oblysta salaýatty ómir salty men sportty nasıhattaý, ásirese Atyraý oblysynda bul úshin barlyq jaǵdaı jasalǵan. Osyndaı sharalardan keıin bizdiń turǵyndarymyz balalaryn ártúrli sport seksıalaryna alyp keledi dep úmittenemiz, - dedi Atyraý oblysynyń dene shynyqtyrý jáne sport basqarmasynyń basshysy Rınat Ibragımov.

İs-shara barysynda kelýshilerge sport zaldary men sport seksıalarynyń tizimi jazylǵan broshúralar taratyldy.

Festıvál sońynda qazaqstandyq estrada juldyzdary óner kórsetti. Merekelik konsert otshashýmen aıaqtaldy.