Aqtaý qalasynda «Kaspıı porttary jáne keme qozǵalysy – 2019» dep atalatyn halyqaralyq kórme men konferensıa uıymdastyryldy. 
Sharaǵa 30-ǵa jýyq sheteldik kólik jáne logıstıka kompanıalary, 40 astam spıkerler qatysty. Al kórmede 300-den astam temirjol, teńiz, kólik jáne logıstıka kompanıalary, óńirdegi jetekshi júk jóneltýshiler, port jabdyqtary jáne qyzmet kórsetý mekemeleriniń ókilderi ónimderin usynyp, múmkindikterin tanystyrdy. 

Konferensıa barysynda sheteldik sarapshylar Kaspıı óńirinde kólik ınfraqurylymyn paıdalaný jaǵdaıyndaǵy jahandyq ekonomıka men óńirlik saýda syn-tegeýrinderdi talqylady. Jıynda sóz alǵan oblys ákimi Eraly Toǵjanov: «Jalpy Qazaqstannyń, sonyń ishinde Mańǵystaýdyń ınfraqurylymyn damytýdyń negizin qalaýshy – bizdiń Tuńǵysh Prezıdent - Elbasy Nursultan Ábishulynyń bastamasy boıynsha 2,5 myń shaqyrym jańa temir jol jáne 12,5 myń shaqyrym avto jol salyndy, bul Qytaıdan Parsy shyǵanaǵy men Eýropa elderine bizdiń porttar arqyly júkterdi tasymaldaý arqyly respýblıkanyń tranzıttik áleýetin tıimdi paıdalanýǵa múmkindik berip otyrǵany sózsiz. Osynyń arqasynda, logıstıka salasyndaǵy halyqaralyq qaýymdastyqtardyń tolyqqandy múshesi boldyq. Kaspıı jaǵalaýyndaǵy jańa porttar boı kóterip, sońǵy úlgidegi logıstıkalyq ortalyqtar saldyq. Nátıjesinde Qytaıdan Parsy shyǵanaǵy men Eýropa elderine, onyń ishinde bizdiń porttar arqyly júkterdi tasymaldaý arqyly respýblıkanyń tranzıttik áleýetin tıimdi paıdalanýǵa jol ashady. Sonymen qatar, osyndaı mańyzdy ımıjdik oqıǵany da qazaqstandyq alańda ótkizý otandyq kóliktik-logıstıka sektoryn damytýǵa mol múmkindik beredi» - dedi.