Ulttyq biryńǵaı testileý memlekettik granttardy bólgen kezde sybaılas jemqorlyqty azaıtý úshin ótkiziledi. Bul týraly Bilim jáne ǵylym mınıstri Kúlásh Shámshıdınova málimdedi dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

"Ulttyq biryńǵaı testileý memlekettik granttardy bólgen kezde jemqorlyq táýekelderin azaıtý úshin ótkiziledi. Biz testileý júıesin odan ári jetildirý kerek dep oılaımyz. Qazir bilim júıesinde isteıtin qyzmetkerlermen konsýltasıalyq jumystar júrip jatyr. Bilim jáne ǵylym mınıstrligi joǵary oqý ornyna túsý júıesin jetildirýdi kózdep otyr", - dedi Shámshıdınova jýrnalıserge. 

Mınıstr memleketik grantty bólý mańyzdy proses ekenin atap ótti.

"Óıtkeni elimizdiń barlyq azamaty osy grantqa úmittenedi. Sondyqtan mınıstrliktiń mindeti – barynsha ashyqtyqty, azamattardyń teń quqyǵyn, eń bastysy, grantty bólý kezinde ádildikti qamtamasyz etý. Sondyqtan biz muny osy pozısıa turǵysynan qarastyramyz", - dedi vedomstvo basshysy.

Usynǵan: Marjan Sábet