Almaty qalasynda polısıa qyzmetkerleri men erikti jastar is-tússiz joǵalyp ketken balany ekinshi kún qatarynan izdep, taba almaı júr dep habarlaıdy Qamshy.kz aqparat agenttigi Zakon.kz saıtyna silteme jasaı otyryp.
İzdeý sharalary kezinde anyqtalǵandaı 2007 jylǵy Damır Ospanovty 28-mamyr kúni túski saǵat 15:00 shamasynda kórgen. Ol kezde ol Saına jáne Jandosov kósheleriniń qıylysynda, 9-shy shaǵyn móltek aýdanyndaǵy №5 mektep-gımnazıanyń alańynda fýtbol oınap júrgen eken. Sondaı-aq, izdeý baǵdarynda balanyń arnaıy belgileri kórsetilgen.
Almatydaǵy joǵalyp ketken jandardy izdeýge kómektesetin "LIDER.KZ" tobynyń úılestirýshisi Dılmıra Blastyń aıtýynsha, izdestirý kesheden beri júrip jatyr, biraq áli nátıje shyqqan joq.
"Bala áli tabylmady. Qazir izdestirý sharalaryn jasaý úshin qosalqy adamdar kerek. Polısıa bólimshesine bala joǵalǵan sátte aryz túsken. Qazirgi ýaqytta Almaty polısıa basqarmasynyń qyzmetkerlerimen jáne Áýezov aýdandyq polısıa qyzmetkerlerimen birge jumys jasap jatyrmyz. Bizdiń toptan on bes adam izdestirý jumysyn bastap kettń, qalǵan adamdar jumys ornynda",- dedi Dılmıra Blas.
İzdestirý jumystary qalaı júrip jatqany jaıly qalalyq polısıa qyzmetkerleri de aıta ketti.
"On eki jastaǵy balanyń joǵalǵany týraly aryz kelip túskennen keıin, Áýezov aýdandyq polısıa bólimshesinde izdestirý toby quryldy, onyń quramyna Almaty qalasynyń polısıa bóliminiń kámeletke tolmaǵandar men qylmystyq polısıa qyzmetkerleri men jedel bólimsheleri kiredi. Balanyń qaıda ornalasqanyn jáne onyń ata-anasyna qaıtyp oralýyna baǵyttalǵan jedel-izdestirý sharalar kesheni júrip jatyr. Biz is boıynsha tabysty nátıjege úmittenemiz",- dep málimdedi Almaty qalalyq polısıa basqarmasynyń resmı ókili Saltanat Ázirbek.
Aýdarǵan: Bek Baıtas
