Elbasy Nursultan Nazarbaev «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» atty Joldaýynda «Tıimsiz sýbsıdıalardy aýyl sharýashylyǵy kesheni sýbektilerine arnalǵan bank nesıelerin arzandatýǵa qaıta baǵyttaý qajet» dep naqty tapsyrma bergen bolatyn. Osy oraıda, «Investısıalyq salymdar kezinde agroónerkásiptik keshen sýbektisi shekken shyǵystardyń bir bóligin óteý boıynsha sýbsıdıalaý» búdjettik baǵdarlamasy aıasynda Qazaqstan Respýblıkasy Aýyl sharýashylyǵy mınıstrligi tarapynan respýblıkalyq búdjetten 2018 jylǵa 1,6 mıllıard qarjy bólinip, 2017 jyly qarjy jetispeýine baılanysty tólenbeı qalǵan 73 agroónerkásiptik keshen sýbektilerine 2018 jylǵa bólingen respýblıkalyq búdjet esebinen 317 mıllıon teńge sýbsıdıa retinde berildi. Sonymen qatar, 2018 jyly jalpy 4,8 mıllıard teńgege ótinim tústi jáne respýblıkalyq búdjetten bólingen 1,6 mıllıard qarjy tolyǵymen ıgerilip, sýbsıdıalaýǵa ótkizilgen ótinimderdiń kóp bolýyna baılanysty qosymsha respýblıkalyq búdjetten 2 274,8 mıllıon teńge qarjy bólindi. Búgingi kúnge atalǵan qarjy tolyǵymen ıgerilip, aýyl sharýashylyǵy taýar óndirýshilerine sýbsıdıa retinde berildi.

  Elbasy tapsyrmasyn oryndaý maqsatynda Qazaqstan Respýblıkasy Aýyl sharýashylyǵy mınıstriligi men Jambyl oblysy ákimdigi tarapynan tıisti jumystar atqarylyp, joǵaryda atalǵan jobalarǵa 2019 jyly sýbsıdıa tóleý maqsatynda jáne jyl saıyn sýbsıdıalaýǵa túsetin ótinimderdiń kóbeıýine baılanysty 2019 jylǵa respýblıkalyq búdjetten 3,8 mıllıard teńge kóleminde qarjy qarastyryldy. Bul 2018 jyldyń basynda bólingen qarjydan 2,5 ese artyq bólindi.

  Sonymen qatar, oblys aýmaǵyn damytý baǵdarlamalarynda kózdelgen tehnıkalardyń basym túrleri men jabdyqtardy sýbsıdıalaý úshin jergilikti búdjetten aǵymdaǵy jylǵa 150 mıllıon teńge qarjy bólindi. 2018 jyly 698 sharýa qojalyqtarǵa Kredıtter jáne tehnologıalyq jabdyqtyń,aýyl sharýashylyǵy malyn satyp alýdyń lızıńi, sondaı-aq aýyl sharýashylyǵy tehnıkasynyń lızıńi boıynsha syıaqy mólsherlemelerin sýbsıdıalaýǵa  633 mıllıon teńge berildi. 2018 jyly jalpy 259 tehnıka men agregattar lızıńke alyndy. Onyń ishinde Qazagroqarjy AQ Jambyl oblysy boıynsha fılıaly arqyly 252, aýdandaǵy nesıe seriktestikteri arqyly 7.

  Al, 2019 jyly «Kredıtter jáne tehnologıalyq jabdyqtyń, aýyl sharýashylyǵy malyn satyp alýdyń lızıńi, sondaı-aq aýyl sharýashylyǵy tehnıkasynyń lızıńi boıynsha syıaqy mólsherlemelerin sýbsıdıalaý» baǵdarlamasyna 1,7 mıllıard teńge qarjy bólindi.

Dýlat Aıtbaı