Aǵymdaǵy jyly oblystyń agroónerkásip keshen sýbektileriniń ınvestısıalyq salynymdar kezinde tartylǵan ınvestısıa kólemi búgingi kúnge 12 mıllıard 444,2 mıllıon teńgeni qurady. Osyǵan oraı oblysta jańa 515 turaqty jumys orny ashyldy. Aýyl sharýashylyǵy ónimderin qaıta óńdeý salasynda 2018 jyly júzege asqan kelesi 12 áleýetti ınvestısıalyq jobalar óńirdiń arnaıy kartasyna jáne Jobalyq basqarý ortalyǵynyń baqylaýyna endi. İske qosylǵan jobalar óńdelgen ónimniń ımporttyq úlesin almastyrýǵa, qosylǵan quny joǵary otandyq ónimniń eksporttyq áleýetin 2,5 esege artyrýǵa múmkindik beredi.

  Atalǵan jobalardan bólek, 2019-2026 jyldary agroónerkásip keshen sýbektileriniń ınvestısıalyq salynymdar kezinde kólemi 111,6 mıllıard teńgeni quraıtyn ınvestısıa tartý kózdelýde. 2019 jyly iske asyrylatyn iri jobalar aýdandarda kóptep sanalady. Jýaly aýdanynda «Gambýrg» JSHS 1200 basqa arnalǵan sút fermasy. Joba quny 1,2 mıllıard teńge. Jyldyq qýattylyǵy 4,8 myń tonna sút. Kerekti tolyq jabdyqtar Golandıada jasalǵan. Qordaı aýdanynda «KazMeat» JSHS – 8 000 basqa arnalǵan bordaqylaý alańy. Joba quny 1,5 mıllıard teńge. Jyldyq qýattylyǵy 2,5 myń tonna múıizdi iri qara eti. Sonymen qatar, Jambyl aýdanynda ornalasqan «Danver-T» 120 gektar jylyjaı qurylysy jáne maýsymdyq kókónis óndirisi. Joba quny 3,1 mıllıard teńge. Jyldyq qýattylyǵy 500 tonna kókónis. Sonymen qatar, «KazAgro» UBH» AQ arqyly qarjylandyrylatyn ınvestısıalyq jobalar aıasynda 2017 jyldan bastap búgingi kúnge deıin jalpy ınvestısıalyq quny 3,7 mıllıard teńgeniń 3 jobasy Qordaı, Merki jáne Moıynqum aýdandarynda júzege asyrylýda. 

  Budan bólek, Jambyl oblysynda óńdeýshi kásiporyndardy qoldaý, óndiristi ulǵaıtý jáne jańa jumys oryndaryn ashý maqsatynda respýblıkalyq búdjetten 20 mıllıard teńge qarastyrylýda. Atalǵan qarajat jańa ınvestısıalyq jobalarǵa ónimniń jańa túrlerin óndirýge de bólinetin bolady.

Dýlat Aıtbaı