Elbasy Nursultan Nazarbaev «Qazaqstannyń Úshinshi Jańǵyrýy: jahandyq básekege qabilettilik» atty Joldaýynda «Agroónerkásiptik keshen ekonomıkanyń jańa draıverine aınalýy tıis» degen bolatyn. Osy oraıda Elbasy tapsyrmasyn oryndaý maqsatynda Jambyl oblysynda atalǵan sala boıynsha tıisti jumystar júrgizilýde. Búginde oblys kóleminde aýyl sharýashylyǵy ónimderin qaıta óńdeıtin 210 kásiporyndar tirkelgen bolsa, onyń ishinde 183 kásiporyn naqty jumys isteýde. Atalǵan kásiporyndarda 2 700-ge jýyq adam jumys oryndarymen qamtylǵan. Onyń ishinde basym baǵytta sút ónimin tereńdete óńdeýmen 18, Et ónimin tereńdete óńdeýmen 21, maqsary maıyn óńdeıtin 5, astyqty tereńdete óńdeýmen 10, jún-terini óńdeýmen 3, qant qyzylshasyn óńdeıtin 2, kók-ónisti óńdeýmen 1 jáne taǵy da basqa kásiporyndar jumys istep tur. Aýyl sharýashylyǵy mınıstrliginiń qoldaýymen 2014 jyldan beri sút ónimin tereńdete óńdep ónim óndirgeni úshin berilip otyrǵan sýbsıdıanyń nátıjesinde kásiporyndardyń sany 18-ge jetip, osy kásiporyndar 2018 jyly 682 tonna sary maı, 800 tonna qatty irimshik, 500 tonna qurǵaq sút ónimi óndirilip, óndirilgen ónimderge jalpy 450,1 mıllıon teńge memlekettik qoldaý berildi. Óndirilgen ónimder Respýblıka, oblys jáne eksportqa Reseı, Qyrǵyzystan, Ózbekstan, Qytaı, Chehıa, Japonıa, Bahreın, Iran, Germanıa memleketterine ótkerilýde.

   Sonymen qatar, oblysta 1500-ge jýyq jeke qosalqy sharýashylyqtardyń birigýimen 55 aýyl sharýashylyǵy kooperatıvi jumys atqarýda, onyń ishinde 32 sút, 15 et jáne 8 basqa baǵyttarynda jumys isteıdi. Osy aýylsharýashylyǵy kooperatıvterin jabdyqpen qamtamasyz etý úshin jalpy somasy 3,7 mıllıard teńgege 11 modýldi sút qabyldaý pýnkti, 5 sút tasymaldaıtyn avtokólik, 3 modýldi mal soıý alańy 1 et tasymaldaýǵa arnalǵan refıjırator kólik, 9 sút baǵytyndaǵy kooperatıv oblystaǵy óńdeýshi kásiporyndardyń sút qabyldaý tankerlerimen qamtamasyz etildi. Qazirgi ýaqytta, jalpy 42 kooperatıv jumys isteýde. Onyń ishinde 31 sút baǵytyndaǵy (8 sút óńdeýshi kásiporynǵa sút ótkizýde), 8 et baǵytynda jáne 3 basqa (qus, kókónis) baǵytta. Oblysta bul jumysty júıeleý úshin arnaıy «Aýyl sharýashylyǵy kooperasıasyn damytý» kartasy jáne 2018-2019 jyldarǵa arnalǵan naqty is-sharalar jospary daıyndaldy.

Dýlat Aıtbaı