Nur-Sultan qalasynyń krımınaldy polısıa qyzmetkerleri bankomatty tonamaq bolǵan urylardy ustady dep habarlaıdy Qamshy.kz aqparat agenttigi Zakon.kz saıtyna silteme jasap.

Elordanyń eki jáne Aqmola oblysynyń turǵyny qala emhanalarynyń birinde turǵan bankomattaǵy aqshany urlamaq bolǵan. Olar keshqurym mekemege kirip, kúzetshini esinen tandyrǵan, artynsha bankomatty bolgarkamen kespekke bel býady. Qaskóıler oılaǵanyn júzege asyra almaı izin sýytqan.

Jedel-izdestirý sharalarynyń barysynda polısıa qyzmetkerleri beınebaqylaý kamerasynyń kómegimen kúdiktilerdi ustaǵan. Olar 38, 34 jáne 29 jastaǵy er adamdar bolyp shyqty. Tergeý barysynda kúdiktilerdiń buǵan deıin dúkenderdiń birinen tólem termınalyn urlap ketkendikteri belgili boldy.

Atalǵan oqys oqıǵaǵa qatysty sotaldy tergeý isi júrip jatyr. Kúdiktiler ýaqytsha ustaý ızolátoryna qamaýǵa alyndy. Olardyń elorda aýmaǵynda jasalǵan osy sıaqty basqa da qylmystarǵa qatystarynyń bar - joǵy tekserilip jatyr.

Usynǵan: Dáýren Sybanbaı