Atyraý qalasyndaǵy medısınalyq kolejdiń muǵalimderine biliktilikti arttyrý kýrsyn júrgizý úshin Fınlándıadan kelgen qos medbıke - Hanneel Tıttanen men Marıo Palovaranyń jalaqysy qazaqstandyq jýrnalısi tań-tamasha etti dep jazady Qamshy.kz aqparat agenttigi "Aq Jaıyq" saıtyna silteme jasap.

Qazaqstandyq jýrnalıserdiń biri sheteldik medbıkelermen suhbat barysynda olardyń tabysy týraly saýal qoıǵan. Alǵan jaýabyna qarasaq, sheteldik medısına qyzmetkerleriniń aılyq tabysy Qazaqstandaǵy jalaqydan 15 esege joǵary eken.

"Fınlándıada medbıke qyzmeti dárigerden kem túspeıdi. Olar naýqasty qabyldaǵannan bastap, dári-dármek usynǵanǵa deıingi qyzmetterdi atqara beredi. Meniń oıymsha, medbıkeniń dáriger kómekshisi ǵana bolyp qalǵany durys emes", - deıdi sheteldik qonaqtar.

Al Fınlándıadaǵy medbıkeler jalaqysy týraly saýalǵa Hanneel Tıttanen jaýap berdi.

"Ortasha aılyq tabys kólemi – 3000 eýro. Jumys ótiliń kóp bolsa, 5000 eýroǵa deıin tabasyń. Biraq biz medbıkelerge budan da kóp jalaqy tólegenin qalaımyz", - deıdi ol jaýabynda.

Óz kezeginde Qazaqstandaǵy jalaqy týraly suraǵan sheteldik medbıke 200 eýro kólemindegi aılyq tabys kólemin estigende, aıtarlyqtaı tań qalǵan.

Aýdarǵan: Ádilet Mádenıet