Kezekten tys prezıdent saılaýyna tirkelgen kandıdattardyń biri Ámirjan Qosanov halyqpen kezekti kezdesýinde boıkot jarıalaýshylarǵa ótinish bildirdi dep habarlaıdy Qamshy.kz aqparat agenttigi.

Úmitkerdiń aıtýynsha, boıkot jarıalaǵan qaýym Qosanovqa qıanat jasaıdy-mys. Osylaı degen úmitker ár daýystyń mańyzdy ári sanaýly ekenin jetkizdi.

"Biz 9-maýsym kúni birigýimiz kerek. Óıtkeni, bul saılaýǵa Nazarbaev túspeıdi. Biz qazir birikpesek, onda múlde birige almaımyz", - dedi Qosanov.

Sondaı-aq, kandıdat ózine qarsy pikir aıtyp, boıkotty nasıhattap júrgenderge erekshe toqtalyp, ótinishin bildirdi.

"Azamattar, múmkin meni unatpaıtyn shyǵarsyzdar, kerek deseńizder, meni kóre almaıtyn shyǵarsyzdar. Biraq meniń daýysymdy tartyp almańdar. Olaı maǵan obal jasamańdar", - dep qadap aıtty Qosanov.

Usynǵan: Ádilet Mádenıet