Qazaqstanda 3 myńdaı zorlyqshylar, onyń ishinde 150 pedofıl áli ustalǵan joq dep málim etti Qazaqstannyń Bas prokýrory basshysynyń orynbasary Nurmuhanbet Isaev.

«Resmı statısıka boıynsha, sońǵy 5 jylda 3 myńdaı zorlyqshy áli anyqtalǵan joq jáne erkindikte júr, olyrdyń ishinde 150-den astam sábılerdi zorlaýshylar bar», — dedi Isaev beısenbi kúni Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý keńesiniń otyrysynda.

«Júgensizdikti sezingen ondaı tulǵalar jyldar boıyna aýyr jáne asa aýyr qylmystar jasap júrýi múmkin. Qostanaı oblysynda 2014 jyly sáýirde kámeletke tolmaǵan jas qyz balany urlap áketip, jynystyq zorlyq jasaǵan Lesnıkovtyń isi sonyń aıǵaǵy», — dedi ol.

Nurmuhanbet Isaevtyń aıtýynsha, Lesnıkov tergeý barysynda 2012 jyly jynystyq qylmys jasap, taǵy úsh áıeldi óltirgenin, onyń ishinde kámeletke tolmaǵan bir qyz balany óltirgenin moıyndapty.

«Ókinishke qaraı, bul oqıǵa qyzmetkerlerdiń kásibı biliktiliginiń tómendiginen bolyp otyrǵanyn moıyndaýymyz kerek, sebebi ol birinshi qurban joǵalǵan sátte-aq nazarǵa ilikken eken», — dedi Nurmuhanbet Isaev.

Bul rette ol zorlyqshylar men pedofılderdi izdestirýde polıseıler kóp jaǵdaıda shara qabyldamaıtynyn qadap aıtty.