Bizdiń aǵzamyzdyń basym bóligi sýdan quralǵany jurtqa málim. Jaı kúnderi adam aǵzasy 2 lıtr sý bólip shyǵarady, al jazǵy kúni bul san 2 esege kóbeıedi. Suıyqtyqtyń jetispeýshiligi aǵzamyzǵa keri áserin tıgizedi. Sondyqtan aǵzadaǵy súıyqtyqty kún saıyn toltyryp otyrý qajet. “Qamshy” sizderdiń nazarlaryńyzǵa shól qandyratyn 7 sýsyndy usynady.

Sháı

Sháı – shóldi jaqsy qandyratyn sýsyn. Orta Azıa, Qytaı, Japon elderinde ystyq sháı adamdy terletip, qyzýdy shyǵaryp aǵzany sergitedi dep esepteledi. Sonymen qatar sháı qan tamyrlaryna áserin tıgizetin P dárýmeni men C jáne B dárýmenderine baı.

Mıneraldy sý

Shól qandyratyn sýsyndardyń ishinde sháıdan keıin mıneraldy sý ekinshi orynda tur. Sý aǵzany sergitip, tábetti ashyp sharshaǵandy basady.

Lımon tilimi nemese qyshqyl jıdekter qosylǵan sý shóldi dereý qandyrady.

Krannan aǵyzylǵan nemese muzdy sýdy ishýge bolmaıdy.

Shyryn

Jazdyń ystyq kúnderinde qyzanaq, shıe, greıpfrýt, alhory, alsha, qyzyl tal shyryndaryn ishken jaqsy. Jıdektiń jumsaǵy bar shyryndar shóldi onsha qandyrmaıdy. Jańadan syǵylǵan shyryndardy kúnine bir retten artyq ishýge bolmaıdy. Sebebi: ol asqazannyń shyryshynyń túrshiktirip gastrıtke akelip soǵýǵa múmkin.

Aıran

Qyshqyl sút ónimderi organıkalyq qyshqyldaryna óte baı bolǵandyqtan shóldi jaqsy qandyrady. Adamnyń aǵzasy aırandy tez qabyldaıdy. Sonymen qatar aırandy kez kelgen jemis-jıdekpen qatar qoldanýǵa bolady.

Qymyz

Qymyz shól basatyn shıpaly sýsyn bolyp esepteledi. Densaýlyqqa paıdaly ár-túrli dárýmenderi adamnyń aǵzasyna, asqazanyna, ókpesine paıdasyn tıgizedi. Qymyzdyń áserinen asqazan sóliniń bólinýi jaqsarady, tábeti artady, astyń qorytylýy júıesi jaqsy jumys isteıdi.

Shubat

Shubat adam aǵzasyn vıtamınder men mıkroelementterge degen táýliktik qajettiligin tolyqtaı qanaǵattandyra alady. Dástúrli sýsyn sonymen qa­tar ishek, baýyrdy tazalap, ót jolda­rynyń jumysyn jaqsartady. Qysh­qyl bólýdi tezdetip, asty jyldam qorytýǵa septigin tıgizedi. Sondaı-aq shóldi de keremet basatyn sýsyndardyń biri.

Aaısulý Tursynbaı