Shymkenttik "Zamana" gazetiniń avtorlarynyń biri Qazaqstannyń jańadan saılanatyn prezıdentine ant qabyldaý rásiminde Quranǵa qolyn qoıyp turýdy usyndy dep habarlaıdy Qamshy.kz aqparat agenttigi Total.kz saıtyna silteme jasap. 

"Ant qabyldaý rásiminde Konstıtýsıamyzben birge Quran tursa, halyqtan uıalmaǵanymen Qudaıdan qorqatyn shyǵar. Ózin musylman sanaıtyn azamat beline kótere almaıtyn shoqpardy baılamaıdy, jasaı almaıtyn isine ýáde bermeıdi. Al eger ýáde berseń, oryndaýyń shart", - delingen jazbada. 

Avtordyń aıtýynsha, Ýkraınanyń jańadan saılanǵan prezıdenti Vladımır Zelenskııdi ulyqtaý rásiminde Konstıtýsıamen qatar İnjil turǵan. Bul dúnıe biraz adamnyń oıyna ózgeris ákeldi. 

–Bizdiń halyqtyń basym kópshiligi - musylmandar. Onyń ústine saılaý naýqany Ramazan aıyna týra keldi. Qasıetti aıda qasıetti kitaptyń ant berý rásiminde bolýy - ádildikti, adaldyqty, ashyqtyqty kúsheıte túsetin dúnıe, - dep túıdi sózin avtor. 

Ol depýtattardyń aıtqan sózin kelesi kúni umytyp qalatynyn aıtyp, kúıinish bildirdi.