Shyǵys Qazaqstan oblysynda túrmeden merziminen erte bosap shyqqan qaskóı jesir jeńgesin túngi 4:00 shamasynda zorlap tastady dep habarlaıdy Qamshy.kz aqparat agenttigi Evrazıa arnasyna silteme bere otyryp.

Kúıeýi qaıtys bolǵan kelinshek bul kezde qalyń uıqy qushaǵynda jatqan. Ápkesiniń ketýin kútken qandyqol uıqydaǵy áıeldi aýyr zatpen tómpeshtep, qan-josa etken. Artynsha, talmaýsyraǵan jeńgesiniń jan aıǵaıyna qaramastan, bilgenin istegen. Buryn sottalǵan erkek esirtkige táýeldi eken. Tipti, VICH juqtyrǵan kórinedi.

Syrtqa janushyra jartylaı jalańash kúıde qashqan áıel kóshedegi dúkenderdiń birinde bas saýǵalamaq bolypty. Alaıda, júzin qan jýǵan kelinshekten shoshynǵan satýshy ony qýyp shyǵypty. Abyroı bolǵanda oǵan qaıyrymdy jan kezigip, kómekke kelgen. Biraq ólim aýzynan qalǵan áıelge jedel járdem de, polıseıler de kelmepti.

«Betime tıgen qatty soqqydan oıandym. Ol meni óltiremin dep qorqytyp, oıyna kelgenin istedi. Oǵan kúshim jetpeı, qanǵa tunshyǵa bastadym. Óıtkeni, murnym men aýzymnan qan aqty. Soqqyǵa jyqqan soń, eshkimge aıtpaımyn dep jalynyp, ony sendirip, qashyp shyqtym.»,- deıdi zardap shegýshi.

Eń soraqysy mıy shaıqalyp, denesiniń birneshe tusy synǵan kelinshekke jasalǵan qylmys jazasyz qalypty. Probasıa qyzmetiniń qaraýynda bolǵanymen júgensiz júrgen qaskóıdiń qylmysyn polıseıler «otbasylyq-turmystyq daý»,- dep jyly japqan. Advokattyń sózinshe, oblysta merziminen erte bosaǵan osyndaılar tolyp júrgen kórinedi.

«Elimizdiń bas prokýratýrasy men İshki ister mınıstrligine shaǵym joldanǵanmen, áli jaýap kelmedi. Osyndaı qylmyskerler qazir merziminen erte shyǵyp, qaıta qylmys jasaıdy. Mundaı qylmys jasaǵandardan japa shekken qansha adam bar. Ózimizge kelgender de kóp. Qaskóılerdi qoǵamnan ońashalaý qajet dep oılaımyn»,- deıdi qoǵamdyq qor ókili Almat Muhamedjanov.

Usynǵan: Bek Baıtas