Almaty oblysy Jambyl aýdanynyń Eńbekshiaral aýylynda eki birdeı bala qudyqqa qulap, toqqa túsip mert boldy.

Balalardyń kishisi oınap júrip esik aldyndaǵy qudyqqa qulaǵan, inisine kómektesýge umtylǵan 11 jasar aǵasyn da tereń qudyqtyń ishinde ornalasqan elektr sý sorǵyshynyń toǵy soqqan.

Oqys oqıǵa oryn alǵan ýaqytta ákesi mal aldyna shyǵyp ketken. Al, anasy jumysta bolǵan. Keshki saǵat 19.00-de úıine kelgen anasy balalaryn taýyp, ózi shyǵaryp alǵan. Oqıǵa ornyna jetken jedel járdem qyzmetkerleri búldirshinderdi qutqarý múmkin bolmaǵandyǵyn aıtady.

«Keshki saǵat 20.00 shamasynda jeke turǵyn úı aýlasynan toqqa túsken eki bala tabyldy. Qudyqtan shyǵarylǵan balalardy qutqarý múmkin bolmady. Sebebi urǵan toq kúshi kóp bolǵan, ári oqıǵa 2 saǵat ótkenen keıin habarlandy. Qazirgi ýaqytta ata-ana balalaryn patologoanatomıalyq tekserýden bas tartty» , - deıdi jergilikti aýrýhana dárigeri A. Kaldarbekova.

Jergilikti atqarýshy organ qyzmetkerleri qara jamylǵan ata-anaǵa, týǵan-týystaryna kóńil aıtyp,  jerleý rásimin uıymdastyrý sharalar óz moınyna aldy.