Almaty Arena sport kesheniniń aldyna  Rınat Zaıytov bastaǵan táýelsiz baqylaýshylar prezıdenttik saılaý qorytyndysy ádiletsiz dep málimdeme jasamaq bolǵan. Sol mańdy torýyldap júrgen polısıa qyzmetkerleri olardy birden alyp ketken dep habarlaıdy Qamshy.kz aqparat agenttigi. 

Ońǵar Qabdenniń feısbýk áleýmettik jelisindegi tikeleı efırden oqıǵa ornynda bir azamattyń esinen tanyp qulap qalǵanyn kórýge bolady. Jedel járdem kóligin shaqyrǵan, alaıda  jedel járdem keshikken. 

Jınalǵan azamattar: "Bizdiń maqsatymyz halyqqa jetkizý. Halyq bárin bilip otyr. Halyqtyń kózi ashyq. Rınatty shaqyryńdar!", - deıdi. Ashynǵan halyq polıseılerdiń jolyn bógep, kólikterdi ótkizbeı jatyr.

Esterińizge sala ketsek, Rınat Zaıytov jáne bir top táýelsiz baqylaýshylar Instagram-daǵy paraqshasynda  saılaý qorytyndysymen kelispeıtinin málimdegen bolatyn.