Qaraǵandy oblysynda sot 15 jastaǵy úsh oqýshyǵa taǵaıyndaǵan jazasyn jeńildetýden bas tartty. Olardyń ár qaısysy 10 jyl bas bostandyǵynan aıyryldy. Aıyptylar 13 jastaǵy qyz balany soqqyǵa jyǵyp, jynystyq qatynasqa májbúrlegen jáne sol sátti uıaly telefondaryna vıdeoǵa túsirgen.

Oblystyq sottyń qylmystyq ister boıynsha apelásıalyq kollegıasy oqýshylardyń jazany jeńildetý týraly aryzdaryn qarastyryp, 10 jylǵa temir torǵa toǵytý tıisti jaza degen toqtamǵa keldi.

«Kollegıa taǵaıyndalǵan jaza zańǵa sáıkes ári negizdelgen degen toqtamǵa keldi», — dep málimdedi apelásıalyq ınstansıa tóreshisi Serik Spanov.

Oqýshylar óz aryzdarynda zardap shegýshiniń kámeletke tolmaǵanyn bilmegenin aıtyp aqtalǵan. Alaıda, oblystyq sot bul sózderin shyndyqqa janaspaıdy, ári qylmystyq jazadan qashyp qutylý úshin aıtylǵan dep tanydy.

«Aıyptylardyń apelásıalyq aryzdaryn sot keri qaıtardy», — dep túsindirdi Serik Spanov.

Belgili bolǵandaı, aıyptylar zardap shegýshimen birge onyń 13 jasqa tolýyn toılatyp, jetkinshektiń jasy neshede ekenin jaqsy bilgen.

Eske salsaq, 13 jastaǵy Olga Natalá, Taná jáne Dmıtrıı esimdi dostarynyń qurbanyna aınalǵan bolatyn. Dostary Olgaǵa jábir kórsetip, mazaqqa almaq bolǵan.

Olar ony soqqyǵa alyp, Dmıtrıımen oraldyq jynystyq qatynasqa túsýge májbúrlegen. Dmıtrıdi jetkinshektiń soqqyǵa jyǵylyp, jylap turǵany toqtatpaǵan. Olar jynystyq zorlyq kórsetý sátin tolyqtaı vıedoǵa túsirip turǵan.

Ózge eki jetkinshek Vácheslav pen Slon laqap atymen belgili Oleg bolǵan jaıttyń kýágerleri bola tura, qyz balaǵa jábir kórsetýshilerdi toqtatýdyń ornyna, baqylap turýmen bolǵan.

Olgany sharýalaryn bitirgen jetkinshekter boastyp sala bergen. Zardap shegýshi bolǵan jaıtty eshkimge aıtpaǵan. Kelesi kúni Taná men Natasha Olganyń úıine kelip, túsirgen vıdeolaryn jarıa etemiz dep aqsha bopsalaǵan. Olar 15 myń teńge bermegen jaǵdaıda, vıdeony barlyq dostaryna, ınternetke taratatyndaryn aıtqan.

Olga aqsham joq dep jaýap qaıtarǵanda, oqýshylar onyń qolyndaǵy uıaly telefonyn tartyp alǵan.

Kóp uzamaı bar jaǵdaıdy bilip alǵan Olganyń anasy polısıaǵa habar beredi.

İİB qyzmetkerleri 4 kúdiktini quryqtady. Vácheslavtan ózgelerdiń bárine Qylmystyq kodekstiń 121 baby boıynsha kámeletke tolmaǵan qyzǵa seksýaldy turǵyda jábir kórsetý aıyby jáne bopsalaý aıyby taǵyldy. Al Vácheslavqa qylmysty polısıadan jasyrý aıyby taǵyldy.

Qylmystyq ister boıynsha mamandandyrylǵan aýdanaralyq sottyń tóreshisi Tólegen Tańsyqpaev Dmıtrııdi 10 jyl ortaq rejımdegi tárbıeleý kolonıasynda bas bostandyǵynan aıyrý jazasyn taǵaıyndady. Orta mektep oqýshylary Natalá men Tatána da 10 jyl tárbıeleý kolonıasynda jazasyn óteıtin bolady. Qylmysty toqtatýǵa esh árekettenbeı, baqylap turǵan Vácheslav 1 jyl bas bostandyǵynan aıyryldy.

Vácheslvatan ózge barlyq sottalýshylar oblystyq sotqa apelásıalyq aryz túsirgen. Olar zardap shegýshiniń kámeletke tolmaǵanyn bilmegenderin aıtyp, jazasyn jeńildetýin suraǵanymen, sheshim ózgerissiz qaldyryldy.

Zań boıynsha 14 jasqa tolmaǵan jetkinshekterdi zorlaǵandarǵa qatań jaza taǵaıyndalady.