Omby qalasynyń turǵyndary taza qazaq tilinde habarlama taratatyn radıony onlaın rejımde tyńdaı alady. Igi bastamaǵa toǵyzynshy synyp oqýshysy Ilá Galsov muryndyq boldy dep habarlaıdy Qamshy.kz aqparat agenttigi Astana telearnasyna silteme jasap.

"Radıo arqyly biz qazaq halqynyń tilin, mádenıetin, ádet-ǵurpyn nasıhattaımyz. Qazir grant baıqaýyna qatysyp jatyrmyz. Keıin búkil Reseıge jarıalanatyn áýe tolqyndy alǵymyz keledi. Nátıjesinde Reseıdiń kez kelgen jerinde júrgen qazaqtar ana tilin jattap, tarıhı otany jaıynda búkil jańalyqtardan habardar bolady", - deıdi Ilá Galsov.

Ázirge tek onlaın rejımde jumys istep jatqan radıoda qazaq ánderi men jańalyqtar jarıalanyp jatyr. Jaqyn arada Ilá Galsov qazaq tili kýrstarynyń aýdıo nusqasyn engizbek.

Aıtýynsha, ázirge radıony kúnine 300-ge jýyq adam tyńdaıdy. Tyńdarmandardyń aıasyn keńeıtý úshin jasóspirim jeke áýe tolqynǵa ıe bolyp, ony búkil Reseıge taratýdy josparlap otyr. Aıta ketý kerek, búginde tek Omby oblysynyń ózinde 80 myńnan astam etnıkalyq qazaq turady.