Keshe 10 maýsymda Nur-Sultan men Almatyda bolǵan mıtıń kezinde polısıaǵa 200 adam jetkizildi dep habarlaıdy Qamshy.kz aqparat agenttigi. 

"Mıtıńtiń birinshi kúni eki qalada 500 adam ustalyp, olardyń 400-ne aıyppul salyndy. Ekinshi kúni shamamen 200 adam polısıaǵa jetkizildi, olardyń 150-i jaýapkershilikke tartyldy. Bul eki qala boıynsha", - dedi İİM resmı ókili Nurdildá Oraz.

Sondaı-aq, İİM baspasóz qyzmeti Nur-Sultan men Almatyda ótken mıtıńilerge qatysty pikir bildirdi. "Biz osyǵan deıin de habarlaǵandaı, polısıa qyzmetkerleri, Ulttyq gvardıa men İİM bólimsheleri qoǵamdyq qaýipsizdik deńgeıin birqalypty ustap turdy, nátıjesinde azamattar prezıdent saılaýy kezinde erkin túrde daýys berdi. 9 903 saılaý ýchaskesiniń birde bireýinde qoǵamdyq tártip buzylǵan joq", - dedi İİM baspasóz qyzmeti.