Almatyda  tórt kúnnen beri 19 jastaǵy stýdent Nýra ál Nakaýany izdestirip jatyr  habarlaıdy Qamshy.kz aqparat agenttigi. 

Instagram áleýmettik jelisinde @_volontery_almaty_lider.kz izdeý tobynyń pablıgi málimetinshe, qyz 7 maýsymda joǵalyp ketken. Ol Orbıta-4 yqshamaýdanyndaǵy úıden 17:00-den shyqqan. 

Almaty polısıa departamenti baspasóz qyzmetiniń ókilderi 19 jastaǵy Nýra Ál Nakaýanyń joǵalǵany týraly aryz Bostandyq aýdandyq polısıa basqarmasyna túskenin habarlady. 8 maýsymda quqyq qorǵaý organdaryókilderiniń málimetinshe, ol el aýmaǵynan shyǵyp ketken. "Joǵalý deregi boıynsha azamatsha Qyrǵyzstanmen shekaradan ótkeni belgili boldy. Qyz kámeletke tolǵan. Qazirgi ýaqytta Qazaqstan aýmaǵynda izdeý jumystary toqtatyldy", - dedi Almaty qalalyq PD baspasóz qyzmetiniń ókilderi. 

Anasynyń aıtýynsha, qyzy BAÁ-den kelgen kúni joǵalyp ketken. "Nýra, eger sen bizdiń habarlamamyzdy kórip otyrsań, úıge oralshy, barlyǵy týraly sóılesemiz, biz sen úshin ýaıymdap otyrmyz", - dedi joǵalyp ketken qyzdyń anasy Gúlzada Toǵaıbaeva.