Bas prokýratýra elimizde zańsyz jarıa aksıalarǵa jol berilmeıtindigi týraly birneshe ret eskertken bolatyn dep habarlaıdy Qamshy.kz aqparat agenttigi vedomstvonyń saıtyna silteme jasap. 

“Jekelegen adamdar zańdy talaptarǵa baǵynbaı, polısıa qyzmetkerlerin arandatyp, olarǵa shabýyl jasady. Júrginshilerdiń, áıelder men balalardyń ómiri men densaýlyǵyna qaýip tóndirdi. Osyǵan baılanysty, quqyq qorǵaý organdary qoǵamdyq tynyshtyqty saqtaýǵa jáne azamattardy qorǵaýǵa baǵyttalǵan sharalar qabyldady”, - delingen Bas prokýratýra saıtynda. 

Bul rette arnaıy quraldar qoldanylǵan joq. 

Quqyq buzýshylar polısıaǵa jetkizilip, sot tártibinde ákimshilik jaýaptylyqqa tartyldy. 

Zańsyz aksıalarǵa jáne tyıym salynǵan uıymdardyń qyzmetine qatysý Qazaqstan Respýblıkasy Ákimshilik quqyq buzýshylyq týraly kodeksiniń 488-babyna, Qylmystyq kodeksiniń 400 jáne 405-baptaryna sáıkes jaýaptylyqqa ákep soǵatynyn túsindiremiz.  

Quqyq qorǵaý organdary budan ári de osyndaı buzýshylyqtarǵa jol bermeıtin jáne olardy boldyrmaý úshin zańmen kózdelgen sharalardy qabyldaıtyn bolady. 

Daıyndaǵan: Ildar Adılchenov