Qazaq toıynda Qazaqstanǵa kelip, jeńil jolmen tabys taýyp júrgen sheteldikterdiń qarasy kóbeıýde. «Qazaqtyń áni men kúıine yqylasy aýǵan qara násildilerdiń bir toıdan alatyn qalamaqysy qandaı?» degen saýalǵa 31 arna jaýap berdi.

Qazaq toılarynyń sánin kirgizip, kári men jasty teńdeı bıletetin ánderdi sońǵy ýaqytta sheteldikter oryndaýǵa qumartyp júr. Onysy bylaı tursyn bar aqshasyn toıǵa shashatyn keń peıil qazaqtyń aqshasyna da ortaqtasqysy  keledi.

Alǵashynda elimizge qonaq bolyp kelgen  «Sın -Frontera» tobynyń búginde qazaq toı-bıznesinde aıy ońynan týyp tur. Bir aptada 3-4 toıǵa baryp úlgeretin dárejege jetken. Kýbada joldary bolmaǵan qara marjandar Qazaqstanǵa kelip qaltalaryn qampaıtyp júrgenderine 5 jyl. Toı naryǵynda básekelesterinen basyp ozý maqsatynda olar alǵashynda  Abaı Begeıdiń «Aspanǵa qaraımyn» ánin shyrqasa, keıin DosMuqasan tobynyń «Qaıdasyń» týyndysyn úırenip alypty. Qazir osy ánderi úshin  toıda suranysqa ıe.

«Biz tek toıǵa ǵana shyǵyp qoımaımyz. Korporatıvti keshter, klýbtarda án aıtamyz. Al toıǵa keletin bolsaq, suranys kóp. Tek Almaty ǵana emes, Astana, Atyraý, Aqtaý qalalaryna da  shaqyryp turady», — deıdi Djoı.

Qazaqstanǵa kelip, jeńil jolmen tabys taýyp júrgenderdiń biri Danıel Djeın. Qazaqty tańqaldyrýdyń túrli amal tásilderin úırenip alǵan Danıel búginde ulttyq aspaptyń qulaǵynda erkin oınaıdy. Ákesi Nıgerıalyq, anasy orys, al ózi qazaq azamaty. Búginde ol betashardy úırenip júr.

Buryn tek kúı tartyp, án aıtqany úshin 600 dollar alyp kelse, endi onyń qalamaqysy eki esege kóbeıdi. Turaqty jumysy joq Danıeldiń bar tabysy qazaqtyń toıy.

«Bárin bilý kerekpin. Halyq týraly sondyqtan maǵan bári qyzyq. Men basynda dombyra aspabymen oınap bastaǵanmyn sosyn betashardy úırenýge qyzyǵýshylyǵym bar sondyqtanda oınap jatyrmyn», — deıdi Danıel Djeın.