Atyraý oblysy ákiminiń birinshi orynbasary Serik Shapkenov oblystyq IV "Jas túlek-2019" forýmynda úzdik túlekterdi orta mektep bitirgendigin rastaıtyn kýálik jáne "Altyn belgi" alýlarymen quttyqtady.
Mahambet Ótemisuly atyndaǵy oblystyq akademıalyq drama teatrynda túlekterdi «Altyn belgi» belgisimen marapattaý rásimi ótti.
Óziniń quttyqtaý sózinde Serik Shapkenov túlekter óz jetistikteri úshin aǵa tálimgerlerine qaryzdar ekendigin eske saldy.
- Sizder búgin eń úzdiksizder, kópke úlgisizder. Bul úshin sizder tek ustazdaryńyzǵa ǵana emes, ata-analaryńyzǵa da qaryzdarsyzdar. Patrıottyq mindetterdi oryndaýdyń úlgisi bolatyndaryńyzǵa, óz jold
aryńyzdy tańdap, óńirlik ekonomıkanyń damýyna úles qosatyndaryńyzǵa senimdimin. Sizderge zor densaýlyq, baılyq, uly eldiń damýy úshin ıgilikti ister tileımin», - dedi Serik Shapkenov.
Marapattaý rásimi konsertpen jalǵasty.
Aıta keteıik, bıylǵy jyly aımaqta barlyǵy 5222 adam mektep bitirgen. 191 túlek «Altyn belgige» ıe boldy, 168 bitirýshi úzdik atestat aldy.
Pikir qaldyrý