Búgin Qazaqstannyń jańa prezıdenti Qasym-Jomart Toqaevtyń buıryǵymen Nur-Sultan qalasynyń ákimi bolyp taǵaıyndalǵan Altaı Kólginov áleýmettik jelilerdiń turaqty ári belsendi qoldanýshysy dep jazady Qamshy.kz aqparat agenttigi.

Kólginov 2017 jyldan bastap Twitter jelisin turaqty paıdalanyp keledi. Atalǵan jelidegi paraqshasyna bas qalanyń jańa ákimi óziniń qyzmet barysyndaǵy fotolardy jarıalap, qazaq jáne orys tilderinde jazba jarıalap otyrady.

Al naýryz aıynyń aıaq shenindegi Toqaevtyń ákimderge jasaǵan usynysynan keıin Instagram paraqshasyn ashyp, belsendiligin arttyra bastady. Bul jelidegi Kólginovtyń alǵashqy jazbasy 3-sáýir kúni paıda boldy.

«Qurmetti dostar, Twitter-men qosa Instagram jelisin júrgizýdi de qolǵa aldym. Bul jerde aımaq tynysymen tanysa alasyzdar, mańyzdy aqparattar ala alasyzdar. Ashyqtyq jáne qoljetimdilik – bizdiń jumys qaǵıdamyz», - dedi ol BQO ákimi bolyp turǵan kezinde.

Instagram-daǵy paraqshasyna Nur-Sultannyń jańa ákimi óziniń jeke ómirine qatysty jazbalar da jarıalap turady.

Keıde 41 jastaǵy ákim óziniń oqyrmandaryna sáttilik tilep, selfı de jasaıdy.