Jańa Zelandıadaǵy meshitterge terakt jasady dep aıyptalǵan aýstralıalyq Brenton Tarrant taǵylǵan aıyppen kelispedi dep habarlaıdy Qamshy.kz aqparat agenttigi  Tengrinews.kz saıtyna silteme jasap. Kúdiktiniń isi boıynsha sot prosesi 2020 jyly 4 mamyrda bastalady.

Stuff aqparaty boıynsha, erekshe tártiptegi túrmeniń jeke kamerasynda otyrǵan Tarant sot otyrysyna beınebaılanys arqyly qatysty. Al onyń aıyppen kelispeıtinin advokattar jetkizdi. Tarantqa lańkestik pıǵylmen 51 adamdy óltirip, taǵy 40 adamdy óltirýge oqtaldy degen aıyp taǵylǵan. 

Eske salsaq, 15 naýryzda Jańa Zelandıanyń Kraıschórch qalasyndaǵy eki meshitke shabýyl jasalǵan edi. Polısıa aqparaty boıynsha, sol shabýyldyń saldarynan 50 adam qaza taýyp, taǵy 50-i zardap shekken. Jańa Zelandıa premeri Djasında Ardern shabýyldyń terakt ekenin aıtqan bolatyn.